RADIO ORDES

2012-02-16T19:00:00.006+01:00

A través desta sección poderase facer uso de tódalas novas publicadas polo concello de Ordes e a Mancomunidade de Municipios da Comarca de Ordes. O obxetivo principal é dar a coñecer as decisións e as actividades acadadas e postas en marcha por cada unha das concellerías e os seus representantes, referentes o ámbito político, económico, social ou cultural.

A biblioteca de Ordes, entre as máis consultadas 'on line'

Intercambio de receitas no obradoiro de economía doméstica

O novo espazo 'Sumando todas' amosará os logros acadados por mulleres

Nova mostra sobre o Entroido na biblioteca municipal

A unidade móbil de extracción de sangue estará en Ordes a vindeira semana

Unha veintena de veciños e veciñas participan no obradoiro de economía doméstica

A Mancomunidade solicita 45.000 euros para crear unha oficina de cooperativismo

Gaña 3.000 euros no concurso 'El pueblo más innovador'

Novos cursos de cultura urbana en Ordes. Graffiti, producción musical...

Os alevíns da S.D. Club Órdenes proclámanse campeóns da liga Mariñas

Arrancan os cursos de cociña no Concello de Ordes

Máis de 4.000 euros en premios no Entroido de Ordes

'Os contacontos e Musicolín' nas Tardes de contos e lendas

Os alevíns da S.D. Órdenes, vencedores da liga 2ª autonómica Mariñas

A Mancomunidade de Ordes organiza un obradoiro sobre economía doméstica

A ITV para ciclomotores e quads estará en Mesón do Vento o 20 de febreiro

Comenzan as clases do circuito cultural e deportivo

Novo curso para a obtención de graduado da ESO

Ordes xa forma parte do itinerario da 'Ruta da danza' grazas ó Museo do traxe

Exposición sobre o cambio climático no Concello de Ordes

O Concello de Ordes participa no concurso 'El pueblo más innovador'

Novos cursos de lingua galega en Ordes

Ordes, sede central do novo plan formativo da Deputación da Coruña

O antigo Consistorio non ten perigo de derrubamento

O Concello de Ordes pon en marcha o seu banco de tempo municipal

Ordes entrega o primeiro lote de tapóns para 'Una sonrisa para Aitana'

Aforrar e preservar o Medio Ambiente coa campaña 'Comparto coche'

Novo programa do Banco de tempo para os veciños de Ordes

2012-02-16T19:00:00.005+01:00

A biblioteca municipal de Ordes é unha das que máis consultas on line rexistra dentro da Rede de bibliotecas de Galicia

Ocupa o duodécimo posto entre máis de 700 centros. Durante o ano pasado rexistráronse máis de 391.000 visitas

Ordes 16 febreiro 2012. A biblioteca de Ordes é unha das que máis consultas on line rexistrou ao longo do ano pasado dentro da Rede de bibliotecas de Galicia. No estudo realizado pola consellería de Cultura sitúase ao centro de Ordes no duodécimo posto entre un abano de máis de 700 fondos documentais petencentes a colexios, institutos, fundacións, museos, bibliotecas, etc. Un lugar destacado que se acadou grazas ás 248.300 consultas do seu catálogo, ás 108.900 visualizacións e ás 391.400 visitas realizadas a través da web www.opacmeiga.rbgalicia.org. Un espazo ao cal se pode acceder directamente dende a páxina do Concello (www.concellodeordes.com).

Actualmente a biblioteca de Ordes conta con 1.500 socios e socias en activo e 20.500 referencias entre libros, música, documentáis, películas, mapas, etc. Entre os servizos que se prestan netse espazo destacan o acceso gratuito a Internet, hemeroteca, ludoteca, programas de animación á lectura e organización de mostras dos seus fondos. Como exemplo pódese citar a que actualmente está a ter lugar con motivo da festa do Entroido e na que se poden ver, entre outros, libros de cociña con receitas propias desta época do ano. Ademáis, tamén existe a posibilidade de consultar distintas enciclopedias electrónicas para estudantes de diversos niveis.

2012-02-14T14:24:00.002+01:00

UNHA QUINCENA DE VECIÑAS DE ORDES COMPARTIRON RECEITAS SAUDABLES E ECONÓMICAS NO CURSO DE ECONOMÍA DOMÉSTICA DA MANCOMUNIDADE ORDENSE

15 de febreiro de 2012.- Unha quincena de veciñas da comarca de Ordes participaron esta mañá na segunda sesión do Obradoiro de Economía Doméstica, organizado pola Mancomunidade de Municipios de Ordes, e que hoxe centrouse en consellos para planificar a compra e a comida. A educadora familiar da Mancomunidade de Ordes, Begoña Lorenzo, entregoulles unha selección de receitas saborosas e saudables, e que se poden facer sen ter que gastar moitos cartos.

Crema de espinacas, puré de calabacín, arroz con verduras, xudías verdes con champiñóns, fideuá con verduras, pisto con verduras... foron algunhas das suxerencias realizadas esta mañá, así como pasta con atún ou carne picada, á que se lle pode engadir orégano, champiñóns, salsa de tomate ou unha salsa caseira cun pouco de aceite quente con allo picado e ovo cocido troceado.

“Trátase de primeiros e segundos pratos que podemos facer por poucos cartos”, explica Begoña Lorenzo, quen tamén destacou a participación das propias alumnas “que intercambiaron receitas e trucos de cociña”. Entre esas receitas destacaban especialmente as realizadas con verduras e, sobre todas elas, dúas feitas con alimentos da zona como unha tortilla con grelos ou troitas ao forno.

Durante estas dúas xornadas divulgativas, a educadora familiar da Mancomunidade de Ordes deu a coñecer entre as veciñas unha serie de consellos que poden seguir para planificar correctamente os seus gastos e para aforrar en materia de combustible, auga, electricidade, calefacción, telefonía, alimentación ou gastos bancarios.

2012-02-10T21:44:00.053+01:00

Sumando todas

Charo Fernández Velho presenta 'Sumando todas', un espazo con marcado carácter femenino no que as mulleres e os seus logros son os auténticos protagonistas. Cada luns ás 19.30 horas 'Sumando todas' ofrece entrevistas coas protagonistas do panorama feminista, social e cultural máis interesante. tamén aborda aquelas novas máis destacadas nas que as mulleres xogan un papel fundamental e, como non, a mellor música sempre interpretada en voz de muller.

Luns 19.30h.

Descargar programa (guardar enlace como) : Nº1

2012-02-10T19:22:00.002+01:00

A biblioteca municipal de Ordes acolle dende hoxe unha mostra sobre as tradicións do Entroido

Fotografías, receitas e libros expóñense para achegarlles unha das festas máis celebradas do Concello a todos os usuarios e visitantes

Ordes 10 febreiro 2012. A biblioteca municipal de Ordes acollo durante estes días unha mostra sobre a festa do Entroido, con libros, recetas de cociña, máscaras, fotografías e outros moitos elementos relacionados con esta festa tan celebrada no Concello. Os ususarios poderán aprender a elaborar pratos típicos desta época do ano como filloas, orellas, lacón con grelos ou follados. Admirar a colorida e vistosa indumentaria dos piliqueiros, así como outras estampas típicas do Entroido.

Na ludoteca os máis pequenos xa poden disfrutar cunha exposición de fondos bibliográficos cos que poderán aprender a maquillarse ou a confeccionar disfraces, antifaces e máscaras.

2012-02-10T19:19:00.002+01:00

‘Sumando todas’ visibilizará dende Radio Ordes os logros e avances en igualdade acadados por mulleres

Con este programa, que se emitirá os luns ás 19.30 horas, o Concello quere incidir na concienciación social naqueles aspectos relacionados coa discriminación por cuestión de xénero

Ordes 10 febreiro 2012. ‘Sumando todas’ é o título do novo programa que Radio Ordes estreará o vindeiro luns 13 de febreiro a partir das 19.30 horas. Conducido por Charo Fernández Velho, profesora de lingua galega do instituto Maruxa Mallo da mesma localidade, ‘Sumando todas’ preséntase como un espazo que pretende visibilizar os logros das mulleres á par que avanza na súa igualdade.

Laura Bugalho, fundadora do colectivo Transgaliza e premio Nicolás Salmerón de Derechos Humanos 2011 na categoría de libertades sexuais, será unha das convidadas nesta primeira entrega. Mariana Carvallal, actriz e directora cinematográfica, falará sobre ‘Escoba!’, serie que dirixe e que actualmente emite a TVG. Charo Fernández Velho tamén nos achegará as figuras de dúas mulleres relevantes nos eidos da literatura e do feminismo como son Virginia Woolf e Concepción Arenal. A música da cantante caboverdiana Cesária Évora, falecida no mes de decembro do pasado ano, será outra das protagonistas.

A través desta iniciativa o Concello de Ordes quere contribuir na igualdade de oportunidades e loitar contra calquera tipo de discriminación por cuestións de xénero.

‘Sumando todas’ emitirase cada luns a partir das 19.30 horas no 107.3 da FM e tamén a través do blog www.radioordes.com. O igual que ocurre cos demáis programas producidos e realizados pola emisora municipal tamén se poderán descargar gratuitamente os podscats a través de dito blog.

Foto: De esquerda a dereita Charo Fernández Velho e Laura Bugallo nos estudos de Radio Ordes durante a grabación de ‘Sumando todas’

2012-02-09T13:13:00.001+01:00

A unidade móbil de extracción de sangue visitará o Concello de Ordes a vindeira semana

Situarase detrás da Casa Consistorial o luns e martes de 16 a 21 horas

Ordes 09 febreiro 2012. A unidade móbil de extracción de sangue visitará o Concello de Ordes a vindeira semana. Concretamente serán o luns e martes 13 e 14 de febreiro cando a unidade se sitúe entre os parques municipais, tal e como é habitual. O horario de atención irá de 16 a 21 horas.

Para aqueles que precisen máis información poden chamar ao teléfono 900 100 828.

2012-02-08T20:32:00.004+01:00

UNHA VINTENA DE VECIÑAS DA COMARCA DE ORDES PARTICIPAN NO OBRADOIRO GRATUITO DE ECONOMÍA DOMÉSTICA ORGANIZADO POLA MANCOMUNIDADE

As veciñas recibiron e aportaron consellos para o aforro en materias como combustible, auga, electricidade, calefacción, telefonía, alimentación e gastos bancarios

8 de febreiro de 2012.- Unha vintena de veciñas da comarca de Ordes participaron esta mañá no Obradoiro de Economía Doméstica, organizado pola Mancomunidade de Municipios de Ordes e que terá continuidade o vindeiro mércores 15 de febreiro. Unha iniciativa, de participación libre e totalmente gratuita, que foi impartida no local cultural da rúa Reconciliación (Ordes).

Durante hora e media, a educadora familiar da Mancomunidade de Ordes, Begoña Lorenzo, explicoulles aos veciños a importancia de planificar e organizarse económicamente e propúxolles unha serie de consellos sinxelos para aforrar en materia de combustible, auga, electricidade, calefacción, telefonía, alimentación ou gastos bancarios. Un intercambio de consellos no que tamén participaron as propias veciñas, suxerindo os seus propios “trucos”.

Consellos

Por exemplo, cando Begoña Lorenzo explicou a importancia de “planificar con anterioridade as rutas en coche para evitar facer un maior percorrido e así poder aforrar en combustible”, unha das alumnas puntualizou que “se o nivel de aire das rodas é o correcto tamén se mellora moito o consumo”. Outro punto moi debatido foi o do aforro de auga, no que Begoña Lorenzo insistiu en que “non se trata de ir cronometrando senón de saber que as lavadoras e os lavavaixelas hai que usalos a carga completa, sen sobrecargalos que do contrario se estropean, ou que mentres lavamos os dentes non precisamos que corra a auga durante todo o tempo”.

Algúns dos consellos ofrecidos durante esta mañá sorprenderon ás presentes, como que “podemos apargar a vitrocerámica 5 minutos antes de rematar de cociñar, pois chega coa caor acumulada ou que cando ferve a auga dos alimentos que estamos cociñando podemos baixar a potencia da calor”. Así mesmo, fixo fincapé no aforro que supón mercar bombillas de aforro de enerxía, “pois aínda que son máis caras, o custe queda compensado co aforro enerxético que permiten”.

Este obradoiro está incluido dentro do Programa de Educación Familiar da Mancomunidade de Ordes. O vindeiro mércores 15 de febreiro impartirase unha segunda sesión no local cultural ubicado na rúa Reconciliación (Ordes), en horario de 10 a 11:30 horas. A participación é totalmente libre e de balde, puidendo acudir á sesión sen necesidade de inscrición previa. Máis información no departamento de Educación Familiar da Mancomunidade de Ordes (na rúa Xoxardo) ou no teléfono 981 680 002.

2012-02-07T13:59:00.003+01:00

A MANCOMUNIDADE DE ORDES SOLICITA UNHA AXUDA DE 45.000 EUROS PARA CREAR UNHA OFICINA DE FOMENTO DO COOPERATIVISMO NA COMARCA

O pleno aproba o novo regulamento do servizo de Atención Temperá e solicita un curso de dinamización comunitaria de 610 horas lectivas

07 de febreiro de 2012.- O pleno da Mancomunidade de Ordes acordou por unanimidade solicitarlle á Consellería de Traballo e Benestar unha axuda de 45.000 euros para a creación dunha oficina de fomento do cooperativismo, que tería a súa sede en Ordes e que daría servizo aos veciños e veciñas dos sete concellos da comarca (Cerceda, Frades, Mesía, Ordes, Oroso, Tordoia e Trazo). Unha oficina que realizaría actividades de promoción e fomento do cooperativismo mediante o estímulo do autoemprego e o emprendemento cooperativo, así como apoiando a creación de novos proxectos cooperativos.

Deste xeito, a Mancomunidade de Ordes acollerase á Orde do 31 de decembro de 2011 que regula estas axudas e subvenciona tanto o aluguer dos locais como o custe do persoal da oficina de fomento cooperativo. Un técnico que asesorarán e acompañarán os proxectos cooperativos que poidan xurdir na comarca ou que xa estén en xestación, ademais de desenvolver accións formativas e informativas para a promoción da fórmula cooperativa entre os veciños e veciñas da comarca de Ordes, especialmente entre o colectivo de desempregados.

Formación e atención temperá

Por outra banda, o pleno tamén acordou por unanimidade solicitar á Consellería de Traballo e Benestar a realización dun curso de Dinamización Comunitaria. Un curso de 610 horas de duración ao que poderán acceder 15 veciños e veciñas desempregados da comarca, que recibirán formación en materia de animación sociocultural.

Finalmente, o pleno aprobou o Regulamento Interno de Funcionamento do Servizo de Atención Temperá. Un regulamento que establece que a única porta de acceso ao Servizo de Atención Temperá é a través dos Departamentos de Servizos Sociais dos concellos integrantes da Mancomunidade de Ordes. A razón principal deste deste cambio é o de garantizar a viabilidade económica do programa, que financian ao 100% a Xunta e a Deputación, e no que se producía a paradoxa de que as persoas derivadas ao programa dende os centros sanitarios ou educativos non quedaban rexistradas no SIUSS (Sistema de Información de Usuarios de Servizos Sociais), polo que non contabilizaban como usuarios do programa.

O Servizo de Atención Temperá da Mancomunidade de Ordes ofrece unha intervención especializada de cara ao óptimo desenvolvemento dos nenos e nenas menores de 12 anos, actúa como medida de prevención da dependencia social e promove a integración dos pequenos con discapacidade no seu entorno próximo. Na actualidade, participan neste servizo máis de cen familias da comarca de Ordes, que son atendidos por un logopeda e un psicólogo da Mancomunidade de Ordes que traballan en coordinación cos servizos sociais, sanitarios e educativos de cada municipio.

Nesta reunión de febreiro participaron o presidente da Mancomunidade e alcalde de Ordes, Manuel Regos; así como os alcaldes de Frades, Miguel Prado Patiño; Mesía, Mariano Iglesias Castro; Oroso, Manuel Mirás Franqueira; Tordoia, Antonio Pereiro Liñares; e Trazo, Xosé Dafonte Varela. O municipio de Cerceda estivo representado pola concelleira María Viqueira.

2012-02-07T12:59:00.002+01:00

O Concello de Ordes preséntase ó concurso El pueblo más innovador co certame artístico Desordes Creativas

Organizado por unha coñecida marca de lavavaixelas, tamén se seleccionarán a varias familias que optarán a un premio de 3.000 euros e que poderán participar na grabación dun spot televisivo.

Ordes 21 xaneiro 2012. O Concello de Ordes participa este ano no concurso El pueblo más innovador, promovido pola coñecida marca de lavavaixelas Fairy. Para celebrar o seu 30 aniversario a elixirase o proxecto municipal máis innovador desenvolvido ó longo deste tempo. O Concello de Ordes decidiu presentarse co certame Desordes creativas, que cada verán desenvolve conxuntamente coa empresa de arte, deseño e comunicación Mutante.

Desordes creativas achega cada ano a diversos artistas e grafiteiros vidos de diversas partes do mundo que se serven de muros, fachadas e edificios para plasmar as súas creacións. Trátase do único certame destas características que se desenvolve nun eido rural, presentándose como unha fórmula tanto para combatir o feismo como para achegar este tipo de creacións á poboación ordense e os seus visitantes.

Tras a elección do proxecto máis innvador os organizadores dotarán de 15.000 euros ó concello que consiga inscribir ó maior número de familias para participar na grabación dun spot para a marca. Entre as condicións está a de ter lavavaixelas eléctrico no domicilio, a lo menos 2 fillos menores de 18 anos vivindo na casa, elaborar un prato que presente un reto para o lavavaixelas e estar empadroados no municipio. De entre todas as familias presentadas cinco delas recibirán un premio de 3.000 euros cada unha por votación popular. O concurso desenvolverase na rede social Facebook a partir do mes de marzo a través do grupo http://es-es.facebook.com/FairyES.

Para inscribirse o Concello de Ordes pon a disposición dos seus veciños e veciñas ata o vindeiro mes de febreiro o teléfono 981681483 (de luns a venres de 12 a 15 h), o correo electrónico prensa@concellodeordes.com, así como o facebook do Concello (http://www.facebook.com/concellodeordes).

2012-02-07T12:01:00.005+01:00

¿QUERES GAÑAR 3.000 EUROS?

Inscríbete no concurso ‘El pueblo más innovador’ e participa na grabación dun anuncio de TV para unha coñecida marca de lavavaixelas.

Mándanos os seguintes datos:

Nomes dos integrantes dos membros da túa familia (pai, nai, fillos e fillas).

Unha receita de cociña cunha foto do prato elaborado.

Fotos da familia, do salón e da cociña (a efectos de casting).

Todo elo fainolo chegar a través do correo electrónico prensa@concellodeordes.com, ou se prefires chama ao teléfono 981 681 483 (de luns a venres de 12 a 15 horas).

Colabora:

2012-02-06T13:09:00.002+01:00

Aberto en Ordes o prazo para participar nos cursos de graffiti & street art, producción musical e personalización de roupa

O Concello colabora nesta iniciativa que se desenvolverá ata o vindeiro mes de maio. Os prezos oscilan entre os 30 e os 50 euros mensuais

Ordes 06 febreiro 2012. Ngraffiti & etreet art. Producción musical e personalización de roupa e complementos. Estes son os cursos que teran lugar no Concello de Ordes durante os meses de marzo, abril e maio e cuxo prazo de inscripción xa está aberto ata o vindeiro 25 de febreiro. Unha iniciativa que za tivo lugar o ano opasado e que contou cun alto índice de participación por parte de mocidade ordense.

A través do curso de graffiti e arte urbana poderranse adquirir os distintos estilos e técnicas, dende o bocetaxe en papel ata o emprego de aerosoles, rodillos e pinceis para realizar murais. Neste curso, impartido por Sokram integrante da banda de hip hop Dios ke te crew, tamén se abordarán a realización e aplicaión de plantillas e o deseño de posters en papel.

No curso de producción musical os alumnos achegaranse ó manexo das ferramentas informáticas para poder compoñer música. A composición con sintetizadores e caixas de ritmos, a gravación de instrumentos e voces, así como as nocións de mestura serán algúns dos puntos a tratar durante as clases. Mou, tamén compoñente da banda ordense Dios ke te Crew levará será o encargado de conducir as clases e levar adiante este porograma.

Por último o curso de personalización de roupa e complementos ensinará a decorar prendas e complemlentos con motivos pictóricos, aprendendo as distintas fases de elaboración. Os alumnos poderán practicar con distintos tipos de pinturas naquelas prendas que eles mesmos traian dende a súa casa.

En todos os casos a duración dos cursos será de 3 meses e os horarios serán de 17 a 19 horas os venres. O local social de O Cárcere e a Casa da Cultura son os lugares escollidos para impartir estas clases. Os prezos van dende os 30 ata os 50 euros ao mes. Para inscribirse basta con chamar aos teléfonos 881 864 363, 696 423 490 e 670 275 113, ou a través do correo electrónico info@mutantecreativo.com

A realización destes novos cursos de cultura e música urbana esrtá organizada polo asociación cultural Cultivarte; o gabinete de arte, deseño e comunicación Mutante, ademáis da colaboración prestada polo Concello de Ordes.

2012-02-06T13:05:00.001+01:00

O equipo Alevín Fútbol 7 da S.D. Club Órdenes proclámase campeóns da liga 2ª autonómica Mariñas

Ordes 04 xaneiro 2012. Os xogadores do grupo Alevín Fútbol 7 da S.D. Club Órdenes proclamáronse esta mañá campeóns da liga 2ª autonómica Mariñas. Os xogadores venceron ó Paiosaco, equipo procedente do Concello de Laracha, por 3 tantos a 2.

O alcalde de Ordes, Manuel Regos, felicitaou ó equipo alevín, ó cal considera “un exemplo de superación, esforzo e de deportividade para os máis novos do Concello, ademáis de ser un orgullo para todos os veciños e veciñas tanto polo éxito alcanzado como pola responsabilidade coa que o obtiveron”. O edil fíxolles entrega a todos eles dun trofeo em recoñecemento pola súa labor.

2012-02-06T12:57:00.006+01:00

O Concello de Ordes organiza un gran desfile pola vila e un concurso de disfraces para celebrar as festas do Entroido

Este ano os concursantes poderán inscribirse nas categorías de carroza, comparsa e disfraz individual. A totalidade dos premios ascende a máis de 4.000 euros, doados por Seguros Reale e Jaime Castro.

Ordes 04 de febreiro 2012. O Concello de Ordes ven de convocar un ano máis o seu concurso de disfraces con motivo das tradicionais festas do Entroido. Unha cita que terá lugar na vila de Ordes o sábado 25 de febreiro a partir das 17 horas, momento no que arrancará un desfile polas principais rúas ata chegar ao campo da feira. Unha gran carpa albergará o concurso no que este ano se repartirán algo máis de 4.000 euros en premios. Unha cantidade donada na súa totalidade polas firmas Seguros Reale e Jaime Castro asesesoría e seguros.

Os interesados en participar poderán inscribirse nas modalidades de carroza, comparsa e individual. Os premios para as carrozas (que cunhas dimensións máximas de 7m de largo X 4m de alto e 3,30m de ancho) serán de 600 e 400 euros para os dous únicos clasificados. No caso das comparsas este ano convocanse as categorías infantil e adulto. Quen teña ata 16 anos poderá optar a tres premios de 200, 150 e 125 euros, mentres que no caso dos maiores serán de 400, 300 e 200 euros. En ambos casos os grupos terán que estar integrados por máis de cinco compoñentes. No caso dos disfraces individuais igoalmente haberá as modalidades infantil e adulto. No primeiro caso, tamén concursantes cunha idade máxima de ata 16 anos, os premios serán de 125, 90 e 75 euros; mentres que na modalidade de adultos éstes serán de 175, 125 e 90 euros.

O Concello de Ordes tamén concederá o premio simpatía, dotado con 150 euros; un premio especial do Concello á mellor comparsa municipal, con 200 euros; ademáis de sete premios de accésit 100 euros cada un. Para inscribirse no concurso o Concello porá un prazo que vai do 6 ao 22 de febreiro. Basta con achegarse ata o departamento de Cultura e Deporte e facilitar os datos, ou ben chamar aos teléfonos 981 680 002 ou 981 680 157. Para máis información poderanse consultar as bases na páxina web do Concello www.concellodeordes.com.

Entroido para os máis pequenos

O Concello de Ordes ten organizado para os máis novos unha cita coa que poderán desfrutar ó máximo da tradicional festa do Antroido, a tarde de entroidada. Será na alameda de Ordes o martes 21 de febreiro. Alí dende as 17 ata as 19 horas haberá unha gran festa con música, animacións e divertidos obradioros de maquillaxe, disfraces, globoflexia e xogos cooperativos. Unha xornada aberta todos os que queiran participar e que no caso de chuvia se trasladará ao pavillón do colexio Campomaior.

2012-02-06T12:54:00.007+01:00

Veciños e veciñas de Ordes aprenden a ser uns auténticos chefs coas clases de cociña que organiza o Concello

Ordes 04 xaneiro 2012. O Concello de Ordes ven de inaugurar os cursos de cociña que pon en marcha dentro do circuito cultural e deportivo que se desenvolverá ao longo dos vindeiros meses. Unhas sesións que terán lugar ata o vindeiro mes de maio e nas que os asistentes aprenderán a elaborar distintas receitas e postres.

As clases están a ter lugar todos os venres en horario de tarde na aula de cociña instalada na Casa da Cultura. O cociñeiro Quique Lema será o encargado de impartir os coñecementos e consellos culinarios para facer dos asistentes uns auténticos chefs.

2012-02-06T12:48:00.003+01:00

A biblioteca municipal de Ordes celebra unha nova sesión das súas Tardes de Contos e Lendas

Ordes 03 febreiro 2012. A biblioteca municipal do Concello de Ordes celebrou recentemente unha sesión das súas Tardes de Contos e Lendas, na que participaron máis de 50 rapaces e rapazas con idades comprendidas entre os 3 e os 8 anos. Os encargados de facer disfrutar e bailar ós cativos foron os compoñentes do grupo Duende Sico, que nesta ocasión representou a obra ‘Os contacontos de Musicolín’.

As Tardes de Contos e Lendas celébranse unha vez ao mes e teñen como finalidade achegar o mundo da literatura, a cultura e as bibliotecas os máis novos do Concello. Unha inicativa na que tamén poden participar os pais , nais, avós e en xeral os adultos que acompañan ós rapaces e rapazas.

2012-02-03T14:26:00.001+01:00

O equipo Alevín Fútbol 7 da S.D. Club Órdenes proclamarase mañá vencedor da liga 2ª autonómica Mariñas

A só un partido da gran final o equipo xa dista en 12 puntos do segundo clasificado. O anexo de Vista Alegre acollerá mañá último encontro

Ordes 03 xaneiro 2012. Os xogadores do grupo Alevín Fútbol 7 da S.D. Club Órdenes proclamaranse mañá vencedores da liga 2ª autonómica Mariñas. Será a pertir das 12 horas cando os xogadores salten ó terreo do anexo de Vista Alegre en Ordes, e se enfrenten a alineación do Paiosaco, equipo procedente do Concello de Laracha

Os alevíns da S.D Club Órdenes veñen de realizar unha excepcional tempada, proclamándose gañadores en todos os partidos disputados. Ata o de agora son 39 os puntos que teñen no seu haber os líderes indiscutibles, seguidos polo L. Calvo B con 27 puntos. O terceiro posto é para o Paoiosaco com 25 puntos, polo que se deduce que mñá sairán a loitar con todas as súas forzas polo segundo posto no podio.

O alcalde de Ordes, Manuel Regos, felicita de antemán ó equipo, ó cal considera “un exemplo de superación, esforzo e de deportividade para os máis novos do Concello, ademáis de ser un orgullo para todos os veciños e veciñas tanto polo éxito alcanzado como pola responsabilidade coa que o obtiveron”.

2012-02-03T13:24:00.002+01:00

A MANCOMUNIDADE DE ORDES ORGANIZA UN OBRADOIRO GRATUITO DE ECONOMÍA DOMÉSTICA, CON CONSELLOS PARA PLANIFICAR GASTOS E CHEGAR A FIN DE MES

As clases terán lugar os mércores 8 e 15 de febreiro no local cultural da rúa Reconciliación (Ordes)

3 de febreiro de 2012.- A Mancomunidade de Municipios de Ordes organiza un obradoiro de economía doméstica, que terá lugar os mércores 8 e 15 de febreiro en Ordes. Unha iniciativa que pretende “ensinar aos participantes estratexias para aforrar, para planificar e reducir gastos, para coñecer como realizar actividades de ocio sen gastar diñeiro e dar a coñecer distintas receitas baratas e saudables, entre outras cousas”, explica Begoña Lorenzo, educadora familiar da Mancomunidade de Ordes.

Este obradoiro, incluido dentro do Programa de Educación Familiar da Mancomunidade de Ordes, impartirase no local cultural ubicado na rúa Reconciliación (Ordes) en horario de 10 a 11:30 horas. A participación é totalmente libre e de balde, puidendo acudir á sesión sen necesidade de inscrición previa. Máis información no departamento de Educación Familiar, na rúa Xoxardo, ou no teléfono 981 680 002.

2012-02-03T12:56:00.003+01:00

A ITV prestará servizo en Mesón do Vento o vindeiro luns 20 de febreiro

Revisaránse os ciclomotores de dúas rodas e máis de tres anos de antigüidade, así coma as as motos e quads de máis de catro

Ordes 02 febreiro 2012. O Concello de Ordes informa a todos os seus veciños e veciñas que a unidade móbil de inspección técnica de vehículos prestará servizo no Campo de Feira do Mesón do Vento o vindeiro luns 20 de febreiro. Concretamente poderán pasar a inspección técnica os ciclomotores de dúas rodas e máis de tres anos de antigüidade, ademáis das motos e quads de máis de catro anos.

O horario de atención ao público será de 9 a 13.30 horas e de 15.30 a 18 horas. A diferenza doutras ocasións esta vez non se poderá reservar cita previamente, senón que aos interesados asignaráselle hora directamente na unidade móbil.

2012-02-03T12:50:00.004+01:00

Máis de 140 veciños e veciñas participan no novo circuito cultural e deportivo do Concello de Ordes

As clases de Ioga, pilates, bailes de salón e en liña, cociña e informática comenzaron a impartirse dende esta mesma semana

Ordes 02 febreiro 2012. Máis de 140 alumnos participan na nova quenda do circuito cultural e deportivo que o Concello de Ordes ten organizado de cara os vindeiros meses e que arrancaron onte co inicio de varios cursos. Un total de 87 alumnos comenzaron así as súas clases de ioga, pilates e informática, que se levarán a cabo no local cultural situado tanto na rúa Reconciliación vomo na Casa da Cultura, na rúa Galicia. Neste último caso tanto no nivel de iniciación como no nivel medio e avanzado, facendo especial fincapé na Internet e nos seus posibles usos.

Mañá venres continuarán as xornadas de inauguración, neste caso será o turno para dous dos cursos máis esperados e demandados. A través do novo ciclo de cociña veciños e veciñas de diferentes idades aprenderán non só receitas típicas da gastronomía galega e de outros países, senón que tamén terán a ocasión de ampliar os seus coñecementos en repostería. En total serán máis de 15 persoas as que farán uso da aula instalada na Casa da Cultura. Por outra banda mañá tamén arrancarán as clases de bailes de salón en de baile en liña, no primeiro caso con 15 parellas inscritas no segundo con 27 alumnos. Todos poderán aprender estilos como o vals, pasobloble, tango ou rumba, entre outros.

Máis cursos de informática

Ante a demanda e interés que sempre suscitan as clases e ciclos de informática o Concello de Ordes anima a todos os interesado a pasar polo Departamento de Cultura e Deporte a deixar os seus datos. Unha vez que se conte co número preciso de alumnos para a creación dun novo grupo comenzarase un novo curso.

2012-02-03T12:46:00.003+01:00

O Concello de Ordes inaugura un novo curso para adultos para a obtención do título de graduado en ESO

O número total de alumnos matriculados este ano ascende a 45. As clases impartiranse nos baixos ds alameda, situados na rúa Xoxardo

Ordes 01 febreiro 2012. O Concello de Ordes inaugurou onte os novos cursos de adultos para a obtención do título de graduado en ESO. No acto que tivo lugar na Casa da Cultura estiveron presentes a concelleira de Educación, Silvia Marín, a profesora encargada de impartir as clases, Natalia Rodríguez, ademáis dos 45 alumnos matriculados. A todos se lles impartirán coñecementos en diversas materias das ramas de ciencias e letras, ademáis de idiomas. Todo elo co fin de poder superar as probas que terán lugar nas convocatorias de xuño e setembro. Dado o elevado número de alumnos matriculados este ano as clases impartiranse nos baixos da Alameda, na rúa Xoxardo.

Deste xeito o Concello de Ordes continúa co seu compromiso na formación da súa veciñanza, dado o elevado número de solicitudes para a realización deste curso.

2012-02-01T14:01:00.001+01:00

Ordes xa forma parte do itinerario da nova Ruta da danza grazas ao Museo do Traxe Juanjo Linares

Un novo convenio asinado recentemente permitirá beneficiarse á entidade do intercambio de fondos con outros centros de Logroño e Íscar. A iniciativa está especialmente pensada para profesionais e afeccionados.

Ordes 31 xaneiro 2012. O Museo do Traxe Juanjo Linares ven de asinar un convenio de colaboración co museo vallisoletano Marienma de Íscar e con La Casa de la Danza de Logroño. Con este novo acordo iniciase o proxecto denominado Ruta de la danza. Unha iniciativa coa que se pretende optimizar e aproveitar os recursos e sinerxías dos que dispoñen as tres entidades, facilitando así o seu intercambio de fondos.
Os encargados de plasmar no papel este novo acordo o pasado sábado en Logroño foron Manuel Viqueira, director do Museo do Traxe Juanjo Linares, que acudiu a petición expresa do alcalade de Ordes Manuel Regos; o alcalde de Íscar, Alejandro García e a concelleira de Cultura de Logroño, Pilar Montes.
Unha colaboración na que o Concello de Ordes puxo especial fincapé coa fin de atraer un maior número de visitantes ata o seu Museo do Traxe e que xa está dando os seus primeiros froitos. Así, en próximas datas acollerase a exposición “21 flamencos para el siglo XXI”. Unha colección composta por arredor de 30 fotografías a tamaño natural nas que aparecen retratados os principias bailaores e bailaoras e que pertence a La Casa da Danza de Logroño. Pola súa banda o centro ordense cederá temporalmente ó Museo Marienma Íscar a exposición “100 bonecas do Mundo”. Unha colección que o bailarín e coreógrafo Juanjo Linares foi creando ó longo da súa vida grazas as adquisicións que realizou por todo o mundo ó long da súa dilatada carreira.
O director do musor de Ordes, Manuel Viqueira, explica que con esta colaboración tamén se pretende crear “una identidad más ampla”, abarcando diferentes campos relacionados coa danza. O museo de Ordes aportará os traxes, o de Logroño sobre todo documentación, mentre que o de Íscar será o que amose o material relacionado cunha figura dea danza española. Viqueira continúa explicando “que non se trata dun proxecto pechado, senón que está aberto a outros museos e organizacións”.
Os impulsores de la iniciativa queren ofrecer un percorrido turístico para xente interesada no baile, xa sexan profesionais, alumnos, profesores, bailaríns ou coreógrafos. Incluso se plantexan a posibilidade de crear un carné de viaxe que acredite o seu paso por cada uno destes museos e que ofreza ventaxas en cada unha destas cidades. Outras das ventaxas é a posibilidade de acceder a todos os centros cunha única entrada.

2012-01-26T14:45:00.004+01:00

Ordes acolle a mostra sobre o cambio climático ‘O noso mundo, o noso futuro, a nosa opción’

O público poderá comprobar o CO2 que se pode deixar de emitir a atmósfera empregando como vehículo de transporte unha bicicleta.

Ordes 26 xaneiro 2012. O Concello de Ordes inaugurou hoxe unha nova exposición na que se poderán analizar as consecuencias do cambio climático e cómo a nosa actividade diaria afecta ó Medio Ambiente e máis concretamente ó cambio climático. ‘O noso mundo, o noso futuro, a nosa opción’ pretende dar a coñecer este problema, á par que informa sobre as súas causas e consecuencias tanto a nivel global como en Galicia. Outro dos obxetivos da mostra é o de propoñer comportamentos e accións que loiten contra a degradación medioambiental, fomentando un desenvolvemento máis equilibrado.

A exposición consta dun total de 19 paneis ilustrados e informativos, dunha proxección audiovisual de 15 minutos títulada ‘Cambio Climático: o reto do século XXI’, ademáis do módulo interactivo ‘E máis eu, cantas emisións poido evitar ?’, no cal a través dunha bicicleta os visitantes poden comprobar cantas emisións de Co2 evitarían lanzar ao aire utilizando este medio de transporte en vez doutros que precisen de combuestibles fósiles. Trípticos, folletos divulgativos e cadernos didácticos completan o material do que dispoñerán todos os visitantes que acudan á mostra. Ésta permanecerá no primeiro e segundo andar do Concello ata o vindeiro 1 de marzo. O horario de apertura será de 8 a 15 horas de luns a venres.

A exposición correu a cargo da Concellería de Medio Ambiente do Concello de Ordes en colaboración co CEIDA e o INEGA (Instituto Enerxético de Galicia). Outras entidades implicadas son a Consellería de Innovación e Industria, a Dirección Xeral de Desenvolvemento Sostible da Consellería de Medio Ambiente e Desenvolvemento Sostible (Xunta de Galicia), o Ministerio de Medio Ambiente, a Alianza del Clima e a Dirección Xeral de Medio Ambiente da Comisión Europea.

2012-01-13T14:34:00.001+01:00

O Concello de Ordes abre o prazo para poder participar no novo ciclo de cursos de lingua galega

A iniciativa lévase conxuntamente coa Consellería de Educación e Ordenación Universitaria. Os interesados poderán optar ós catro niveis Celga.

Ordes 13 xaneiro 2012. O Concello de Ordes en colaboración coa Consellería de Educación e Ordenación Universiataria fai pública a convocatoria para os novos cursos de lingua galega. Neste caso as sesións preparatorias corresponden ás probas dos niveis Celga 1, Celga 2, Celga 3 e Celga 4. A duración destes cursos ascende a 70 horas lectivas.
No caso de Ordes o Concello solicitará a realización daqueles cursos que conten cun mínimo de 20 persoas preinscritas. As clases desenvolveranse como ven sendo habitual nas aulas da Casa da Caultura, situada na Rúa Galicia. Para participar, os interesados deberán anotarse nas dependencias municipais da Casa do Concello e presentar unha fotocopia do seu DNI. Para precisar máis información pódeno facer achegándose ó mesmo Concello ou ben a través so teléfono 981 680 002.
Esta última convocatoria para a preparación dos cursos de galego ven de publicarse no Diario Oficial de Galicia nº 5 con data 9 de xaneiro.

2012-01-10T10:15:00.005+01:00

O Concello de Ordes constitúese en sede do novo plan formativo da rede Xiana da Deputación da Coruña

Un total de 234 persoas participan no novo obradoiro de empregabilidade que se desenvolve na casa da Cultura.

Ordes 09 xaneiro 2012. Dende hoxe e ata o finais do próximo mes de abril o Concello de Ordes será a sede dun novo plan formativo levado a cabo pola Rede Xiana da Deputación da Coruña. Un novidoso obradoio de empregabilidade que inclúe sesións de traballo grupais e individuais, concretamente están previstas un mínimo de 20 sesións de información, formación e orientación grupal, cunha duración de cinco horas e media. Dito bloque concluirá o vindeiro 3 de febreiro para dar paso a outras 35 sesións de traballo e titorizacións individual ate ao 20 de abril.

O número total de beneficiarios ascende a 234, espallados nos itinerarios de formación desenvolvidos nos proxectos dos anos 2009-10. As áreas de traballo sobre as que se traballarán serán a exclusión socio-laboral e a empregabilidade, incidindo no emprego como un dos principais factores para acadar un grado de inclusión satisfactorio. As multinacionais, as novas tecnoloxías, os condicionantes culturais e a globalización da economía como factores estructurais contemporáneos. A integración en redes sociais e a igualdade de oportunidades frente os recursos como factores psicosociais destacados. Os distintos tipos de competencias e contextos como factores articuladores da empregabilidade, así como a nova concepción do traballo en base a unha nova organización empregadora ou o autoemprego.

Para combatir os desequilibrios entre zonas rurais y urbáns da provincia, tanto en materia de empleo como en servicios básicos de atención a persoas dependientes, a Diputación de A Coruña pon en marcha esta nova iniciativa dentro do marco da convocatoria 2007 de Axudas de FSE durante o periodo de intervención 2007-2013 a través del Ministerio de Administraciones Públicas

Obxetivos da Rede Xiana

O proxecto Rede Xiana (Rede para a Xestión Integral, Accesibilidade , Novas Tecnoloxías e Adaptabilidade no marco laboral galego) enmárcase na Convocatoria 2007 de axudas do Fondo Social Europeo para o período de intervención 2007-2013. Está xestionadas a través do Ministerio de Política Territorial e oriéntase de cara a proxectos que fomenten pactos, redes, asociacións e apoio ás inicitivas locais para o emprego e a inclusión social. Nesta ocasión a Deputación de a Coruña conta tamén coa total colaboración do Concello de Ordes para poder desenvolver esta nova acción formativa.

O obxectivo principal desta iniciativa consiste na posta en marcha de un programa de fomento do emprego na provincia da Coruña, para municipios de menos de 50.000 habitantes. Está especialmente orientado a persoas que se atopan na procura dun primeiro emprego ou que están inactivas a consecuencia do abandono do traballo polo coidado dalgún fillo. Como principal obxetivo figura dotar a todos eles dunha perspectiva de estabilidade a partir de empregos con futuro ubicados nos novos ocos de emprego.

O proxecto foi aprobado pola Secretaría de Estado de Cooperación Territorial do Ministerio de Política Territorial con data 14/05/2005, iniciándose a súa execución o 16/06/2008 e con un periodo de execución de 36 meses. Un prazo que foi ampliado ata marzo deste ano, polo que actualmente está en execución a última fase do proxecto.

2011-12-12T14:08:00.001+01:00

O Concello de Ordes ten preparado un amplo programa de actividades con motivo do Nadal

Ordes, 12 de decembro de 2011: O Concello de Ordes ten preparado para as vindeiras semanas un amplo programa de actividades con motivo da celebración das festas navideñas. Unhas actividades que inclúen contacontos, actuacións de maxia, títeres, obradoiros e as tradicionais visitas dos paxes reais e a Cabalgata de Reis.

Así, os actos darán comenzo o vindeiro venres 16 de decembro con dúas sesións de contacontos na biblioteca municipal, unha ás 17 horas para nenos e nenas de 3 a 5 anos, e outra ás 18 horas para os de 6 a 8 anos. En canto ao resto de actividades e entre as máis esperadas están tamén as visitas dos paxes reais tanto ás escolas unitarias, visita que terá lugar o 19 de decembro, como á Escola Infantil “Sorrisos” o 20 de decembro.

O día 21 de decembro celebrarase un espectáculo de maxia no auditorio da Casa da Cultura ás 19:30 horas, e o día 22 serán protagonistas os títeres co “Tolo conto de Nadal” tamén no auditorio da Casa da Cultura ás 19:30 horas.

Por outra banda e dirixido tamén aos máis pequenos celebraranse dous obradoiros con material de refugallo. Un terá lugar o 26 de decembro de 16:30 a 18 horas para os nenos e nenas de 4 a 7 anos e de 18 a 19:30 horas para os rapaces e rapazas de 8 a 12 anos. Neste obradoiro realizaranse obxectos de decoración navideña.

Ao día seguinte, 27 de decembro, celebrarase o segundo dos obradoiros, neste caso de creación de xoguetes con material de refugallo nos mesmos horarios distribuídos por idades.

Ambos obradoiros terán prazas limitadas polo que para poder participar os interesados deberán facer as inscricións no departamento de Medio Rural e Desenvolvemento Ecolóxico e Sostible do Concello situado no primeiro andar da Casa Consistorial.

Por último, o programa de actividades para este Nadal 2011 terá o seu broche final coa celebración da tradicional cabalgata de Reis o 5 de xaneiro, que a partir das 17 horas percorrerá as principais rúas do municipio con reparto de caramelos aptos para celíacos e diabéticos.

2011-12-07T20:26:00.002+01:00

A empresa que analiza o antigo Consistorio asegura que os danos na súa estructura son os propios dun edificio con máis de medio século

O informe definitivo está a piques de rematar e farase público en breve. Os encargados do estudo asegura que o inmoble non supón ningunha ameaza para os veciños e veciñas

Ordes, 5 de decembro de 2011: O alcalde de Ordes e o seu equipo de gobreno reafírmanse no seu xeito de proceder coa remodelación da antiga Casa Consistorial e solicítanlle ao Partido Popular que deixe de crear alarmas sociais innnecesarias e infundadas aludindo á seguridade dos seus veciños e veciñas.

Actualmente estase á espera do estudio definitivo da análise estructural para acometer as obras de mellora deste inmoble construido nos anos 50. “O afán de cumplir con toda a normativa vixente en materia de seguridade foi o que nos levou a realizar este estudo. Para elo foi necesario derribar falsos teitos, levantar pavimentosou a realización de rozas e catas, entre outras tarefas”, asegura Manuel Regos. En calquera caso as anomalías detectadas en primeira instancia na estructura do inmoble non se deben a ningunha neglixencia nin por parte do goberno de Ordes nin da empresa que está a acometer as obras, senón que son as propias que presenta un edificio con máis de 60 anos de antigüedade cunha escasa capacidade nos forxados, según os técnicos. Un aspecto que de maneira clara e aberta Manuel Regos xa comentou públicamente no último pleno celebrado o pasado 24 de novembro.

Tanto dende a alcaldía como dende a empresa encargada de levar a cabo dito proxecto, CK Consultoría de Estructuras y Patología de la Edificación, aseguran que en breve poderán facer público o informe definitivo. Será entonces cando se valoren as medidas máis axeitadas e rentables para o municipio. Éstas poderían consistir no vaciado do edificio e a execución dunha nova estructura, ou ben na rehabilitación e reforzo da actual. En calquera caso aseguran que “o edificio non ten perigo de derrubamento aínda que non se realizase ningunha obra e o abramos ao público”, aseguran.

Regos lémbralle os integrantes do partido Popular que “os políticos temos a obriga de fundamentar as nosas acusacións e denuncias en feitos concretos e non en hipótesis futuras, xa que de non facelo así estariamos incurrindo tanto nunha falta de respeto á veciñanza como nunha falta de profesionalidade no noso exercicio como representantes institucionais”.

2011-11-30T22:16:00.003+01:00

O Concello de Ordes pon en marcha o Banco do Tempo do municipio

Ordes, 29 de novembro de 2011: O Concello de Ordes presentou esta mañá un novo proxecto no municipio consistente nun Banco do Tempo mediante o cal as persoas usuarias ofrecen e solicitan servizos e actividades intercambiando o seu tempo de xeito gratuíto. Trátase dun sistema de voluntariado mutuo que anima á xente a compartir o seu tempo e habilidades entre sí utilizándoo como moeda de cambio.

No acto de presentación desta iniciativa, a concelleira de Educación, Silvia Marín, insistiu na importancia deste tipo de actividades que, neste caso, axuda a solucionar problemas da vida diaria sen ter que gastar diñeiro, serve como ferrramenta que axuda a conciliar a vida laboral e familiar, fomenta a igualdade e a cooperación entre a veciñanza e as relacións entre persoas. A concelleira mostrou a súa satisfacción pola posta en marcha desta iniciativa que asegurou, ten unha gran importancia dado o momento de crise que estamos a vivir ao crear unha plataforma na que as persoas poden comerciar co seu tempo, ofrecendo a súa axuda e coñecementos a cambio dos de outras persoas de maneira puntual utilizando como única moeda de cambio o tempo.

Na presentación tamén participou o representante da empresa Deloga, Ismael Blanco, quen explicou o funcionamento do Banco do Tempo. Así, indicou que o único requisito para poder facerse socio do banco do tempo de Ordes é ter un mínimo de 18 anos. Tal e como explicou Blanco, en canto aos servizos e actividades de intercambio que se poderán realizar están de diferentes índoles como o acompañamento de persoas, conversas, masaxes, automaquillaxe, tarefas domésticas, pasar documentos a ordenador, idiomas e en definitiva calquera actividade que poida ser ofertada e demandada, iso sí os servizos intercambiados non poderán ser nunca configurados nin asimilados a relacións de traballo autónomo ou asalariado. Ademais o trato non ter porque ser directo entre dúas persoas podéndose facer tamén en grupo.

O primeiro dos intercambios deste banco do tempo do Concello de Ordes celebrarase esta mesma tarde, no que un grupo de mulleres marroquíes residentes en Ordes ensinarán gastronomía do seu país a cambio de conversas en español.

Todos aqueles que queiran participar nesta iniciativa poderán recibir máis información e facerse socio no departamento de Educación do Concello, no primeiro andar da Casa Consistorial, así como a través do teléfono 981680002 ou o correo electrónico bdt@ordes.dicoruna.es

2011-11-23T20:46:00.002+01:00

Ordes entrega o primeiro lote de tapóns de plástico para a campaña “Una Sonrisa para Aitana”

Ordes, 23 de novembro de 2011: Esta mañá fíxose entrega do primeiro lote de tapóns de plástico que os veciños e veciñas de Ordes e de toda a comarca depositaron no punto habilitado para tal recollida polo Concello de Ordes en beneficio da campaña “Una Sonrisa para Aitana”.

Concretamente entregáronse esta mañá á empresa de transporte que participa tamén na campaña e que llos fará chegar á familia de Aitana, máis de 50 kg de tapóns.

Despois desta primeira entrega, a campaña segue adiante e dende o Concello de Ordes animan aos seus veciños e veciñas a que participen nesta acción solidaria a través da que se están a recoller tapóns de plástico co fin de que a familia de Aitana, unha nena de Tarazona de 9 anos, poida recaudar fondos para ser operada en Boston a causa dunha cardiopatía conxénita.

Todos aqueles que queiran participar poderán seguir depositando os tapóns de plástico no punto habilitado no 1º andar da Casa do Concello, colaborando así nunha boa causa a través dun pequeno xesto.

Para máis información acerca desta campaña que leva a cabo a familia da pequena pódese consultar a web www.unasonrisaparaaitana.org ou contactar a través do mail luisgarciagarcia@live.com

Información sobre Aitana

Aitana é unha nena de 9 anos de Tarazona (Zaragoza), que naceu cunha cardiopatía conxénita, atresia pulmonar sin tronco pulmonar con colaterales.civ, comunicación interventricular e fisura palatina. A solución para a que buscan agora a axuda económica é unha operación, consistente na reconstrucción do tronco pulmonar que se realizará no Children´s Hospital de Boston, a onde esperan poder trasladar á rapaza coa recaudación da campaña.

2011-11-04T13:37:00.001+01:00

O Concello de Ordes anima aos veciños e veciñas a participar na campaña “Comparto Coche”

Ordes, 4 de novembro de 2011: O Concello de Ordes anima aos veciños e veciñas do municipio a participar na campaña “Comparto Coche” posta en marcha polo departamento de Medio Rural e Desenvolvemento Ecolóxico e Sostible que dirixe o edil José Luis Gómez Candal.

Nesta ocasión baixo o título “Comparto Coche” o Concello de Ordes pon a disposición dos veciños e veciñas un servizo que facilita o encontro de persoas que estean interesadas en compartir vehículo para realizar traxectos rutinarios de traballo, estudos, etcétera.

A través desta iniciativa, preténdese que compartindo coche se reduzan o número de vehículos que circulan polas estradas, disminuir os atascos, o consumo enerxético e a contaminación, ademais de que os participantes poidan aforrar combustible.

Todos aqueles que estean interesados en participar nesta campaña poden recibir máis información e inscribirse no departamento de Medio Rural e Desenvolvemento Ecolóxico e Sostible do Concello, chamando ao teléfono 981680002 ou ben a través do perfil de facebook “Medio Ambiente Ordes”, no que poderán encontrar ademais outras actividades e iniciativas que leva a cabo o Concello en materia de medio ambiente.

Os participantes cubrirán unha ficha facilitando os horarios e percorridos que estarían interesados en compartir con outros usuarios, servindo así o Concello como intermediario para poñer en contacto a todos aqueles que coincidan en destino e hora para compartir vehículo.

Dende o Concello animan aos veciños a que participen nesta iniciativa a través da que, ademais de contribuir á preservación do medio ambiente, tamén se facilita o aforro de combustible aos participantes, tendo en conta ademais o momento de crise que vive o país.

2011-10-04T14:22:00.001+02:00

O Concello de Ordes convoca unha nova edición do Circuíto Deportivo e Cultural para o vindeiro trimestre

Ordes, 4 de outubro de 2011: Coa chegada dun novo curso o Concello de Ordes organiza unha nova edición do Circuíto Deportivo e Cultural, que achegará aos veciños e veciñas da localidade diferentes actividades nas que poderán participar durante o vindeiro trimestre.

Concretamente, para os próximos meses de novembro, decembro e xaneiro o departamento de Cultura do Concello de Ordes ten previsto celebrar clases de ioga, pilates, informática, bailes de salón e pandeireta.

Todos aqueles que estean interesados en participar poderán recibir máis información no departamento de Cultura do Concello de Ordes. O prazo de inscrición para estas actividades permanecerá aberto dende o 17 ao 24 de outubro, debendo realizar a solicitude no departamento de Cultura, situado no primeiro andar da Casa do Concello. Coa ficha de inscrición haberá que adxuntar tamén unha copia do DNI.

Para a realización dos cursos requeriranse un mínimo e un máximo de participantes e as prazas asignaranse por orde de inscrición.

Actividades anuais

Estas actividades enmarcadas no Circuíto Deportivo e Cultural para os meses de novembro, decembro e xaneiro, súmanse ás actividades anuais organizadas tamén por este departamento do Concello. Unhas actividades entre as que se encontran clases de debuxo e pintura, ximnasia de mantemento, aeróbic, patinaxe, tiro con arco, atletismo, ademais das escolas municipais de fútbol, fútbol sala e hockey.

Para estas actividades anuais xa está aberto o prazo de inscrición ata o vindeiro día 10 de outubro.

2011-09-19T11:20:00.004+02:00

O Concello de Ordes pon en marcha un renovado programa do Banco de tempo

Ordes, 16 de setembro de 2011: O Concello de Ordes, a través do departamento de Xuventude, porá en marcha un novo programa dirixido aos veciños e veciñas do municipio. O programa consistirá na dinamización e consolidación do Banco do Tempo do Concello de Ordes.

O proxecto consiste nun sistema de intercambios de servizos por tempo, en lugar de cartos, permitindo intercambiar todo tipo de servizos ou actividades gratuítamente con outras persoas, utilizando como moeda simbólica o tempo, o que tamén fomenta as relacións sociais e de igualdade entre a veciñanza, independentemente das súas diferencias socioeconómicas.

Tal e como explicou o concelleiro de Xuventude do Concello de Ordes, Roberto Iglesias, con esta iniciativa preténdese poñer en marcha unha ferramenta para mellorar a conciliación da vida laboral, familiar e persoal, principalmente das persoas con fillos/-as ou persoas maiores e/ ou dependentes ao seu cargo, así como fomentar a solidariedade veciñal, as relacións interxeracionais e o compromiso social.

O proxecto abarca un estudo de viabilidade técnica, económica e temporal, que permita valorar as necesidades e demandas da poboación de medidas de conciliación destas características.

A participación está aberta a todo tipo de persoas residentes en Ordes, sendo o único requisito contar con interese en intercambiar actividades ou coñecementos por tempo, sendo estas do máis diversas, dende

tarefas relacionadas co manexo das novas tecnoloxías, axudas coas tarefas escolares, realización de tarefas domésticas, axuda para a realización de xestións de índole administrativa, labores de compaña, coidar animais durante viaxes ou mesmo masaxes e perruquería.

Este proxecto conta coa colaboración da Mancomunidade de Municipios da Comarca de Ordes, a través do Centro de Información á Muller (CIM).

Para inscribirse no proxecto ou facer consultas, pode chamar ao número de teléfono 981 680 002 en horario de 9 a 15 horas no CIM, así como escribir ao enderezo electrónico: bdt@ordes.dicoruna.es. Tamén se pode obter máis información nas redes sociais de facebook e twitter do Concello de Ordes e Radio Ordes.

2011-09-12T15:20:00.001+02:00

O Concello de Ordes garante o pago a acredores, empresarios, así como as nóminas dos seus traballadores

O alcalde de Ordes, Manuel Regos, lamenta que unha vez máis o Partido Popular de Ordes trate de confundir ós veciños e veciñas con acusacións falsas sobre a débeda que o Concello mantén con empresas tanto do municipio coma doutros puntos. Dende o equipo de goberno de Ordes mantéñense firmes na súa postura e transparencia á hora de informar sobre os gastos que se realizan dende o Consistorio, así coma no seu compromiso de pagar as facturas a acredores e empresarios.

Regos asegura que actualmente a situación financiera do Concello de Ordes non é tan grave coma o Partido Popular trata de facer creer. Recoñece que o panorama de crise económica actual afecta tamén ó Concello de Ordes, ó igual que a todas as corporacións municipais do resto do Estado, que entre outros viron descender os seus ingresos por licencias de obras. Asegura o edil que este tipo de mensaxes responde a unha clara intención de desacreditar e sembrar a dúbida sobre o actual equipo de goberno, elexido democráticamente e por segunda vez consecutiva polos veciños e veciñas de Ordes.

Con respecto ás nóminas dos traballadores municipais o alcalde asegura que éstas están completamente garantidas e que todos eles cobrarán sen ningún problema, tal e como ven ocurrindo dende que fora elexido hai máis de catro anos. Califica as afirmacións dos populares de grave erro, demostrando unha enorme falta de responsabilidade e sensibilidade ó xogar deste xeito coa tranquilidade e seguridade de todas as familias que dependen do Concello.

Manuel Regos e o seu equipo reafírmanse na decisión de construir un novo edificio consistorial, dende o que xa se está a prestar o servizo de calidade que os veciños e veciñas de Ordes merecen. Unha obra subvencionada en gran parte pola Xunta de Galicia e cuxo compromiso de estar rematada antes de 2012 se ve cumprido. Cabe destacar que o novo Concello satisface con toda a normativa de accesibilidade para persoas con algún tipo de diversidade funcional.

No seu afán por reducir gastos a mayoría dos mobles dos novos despachos proceden do anterior inmoble, polo que novamente hai que tachar de mentira a acusación de que se está a gastar unha gran cantidade neste concepto.

A mesma consideración merece, según Manuel Regos, a información referida ó custo dos nichos do novo cemiterio municipal, desmentindo categóricamente que dende o Concello se aumentara premeditadamente en case o dobre o seu prezo cun afán recaudatorio.

2011-08-23T13:25:00.000+02:00

Aberto o prazo de inscrición para participar nas ligas deportivas de Ordes

Ordes, 23 de agosto de 2011: A Asociación Deportiva de Ordes, coa colaboración do Concello, organiza un ano máis as ligas deportivas locais. Este ano as disciplinas nas que se pode realizar xa a inscrición son fútbol sala, fútbol sala feminino, tenis, tiro con arco, xadrez, bádminton, tenis de mesa, tute, diana, futbolín e unha liga de videoxogo FIFA 2011 Playstation en pantalla xigante.

Todos aqueles que estean interesados en participar poden facer a súa inscrición no bar da piscina municipal de Ordes, así como recibir máis información a través do teléfono 606910334 ou no mail asociaciondeportivaordes@gmail.com. A data límite para realizar a inscrición será o vindeiro 30 de setembro.

Estas ligas deportivas teñen ano tras ano unha gran aceptación. O ano pasado celebráronse as ligas de fútbol sala, na que participaron 20 equipos, a de tenis e a de dardos. Ademais como broche final das ligas da pasada tempada e dando conta da súa importancia, á clausura das mesmas acudiu o que foi xogador do Lobelle, Alemao, que fixo entrega dos galardóns aos gañadores de cada disciplina.

Dende a organización animan tanto a veciños e veciñas do municipio como de toda a comarca a que sexan partícipes unha vez máis destas ligas deportivas.

Brincadeira 2011

2011-08-22T13:58:00.017+02:00

Durante os días 11, 12 e 13 de agosto Ordes converteuse en epicentro da escea musical de todo o país grazas o festival Brincadeira. Na súa quinta edición o Brincadeira atrouxo a máis de 30.000 persoas que disfrutarosn de bandas míticas como Europe, Obús, Burning, Ruxe Ruxe, Rosendo ou Dr. Explosión entre outros moitos. Radio Ordes emitiu en directo máis de 24 horas en directo dende a carpa Estrella Galicia, escenario de moitas bandas galegas e da zona.

DESCARGA DE CONCERTOS (clik botón dereito + guardar enlace como)

Xoves 11 agosto 2011: Skarallaos, Johnny & TheTicks, Alto asalto, Zootropa, A cona ye-yé

Venres 12 agosto 2011: A familia Caamagno, Primitive, Benito Kamelas, La Pegatina, La Kinky Beat, Ruxe Ruxe

Sábado 13 agosto 2011: O chícharo Psicótico, Kastomä, Malandrómeda, Los Barrankillos, Dakidarría, Die Fritzels, Habeas Corpus

2011-08-06T19:18:00.000+02:00

Ardemil celebra esta fin de semana a súa tradicional festa da malla

Ordes, 5 de agosto de 2011: A parroquia ordense de Ardemil estará esta fin de semana de festa coa celebración da súa tradicional “Malla de Ardemil”. Unha festa organizada pola Asociación Cultural Castro da Croa coa colaboración do Concello e que como cada ano espera contar cun gran éxito.

Xa hoxe venres a partir das 22 horas haberá panceta gratis para todos os asistentes e a actuación do Dúo Duendes, aínda que a programación festiva continuará durante a fin de semana.

Mañá sábado ás 12 horas terá lugar a malla ao que acompañará tamén unha gran feira de antigüedades e tractores novos e antigos. Haberá tamén exposición de coches antigos, motos, tractores, arapos, motores antigos de mallas, etcétera. Tampouco faltará nesta xornada a música coa actuación do grupo Maldados. Pola noite o escenario será para o dúo Duendes.

Na xornada do domingo ás 12 horas haberá concentración de tractores antigos. Ademais haberá unha carpa con pulpo e carne ao caldeiro.

2011-07-28T15:06:00.004+02:00

Máis dun cento de xaurías participarán esta fin de semana na XIX Feira de Cans de Caza

Ordes, 28 de xullo de 2011: Preto de duascentas xaurías participarán esta fin de semana na XIX Feira de Cans de Caza que terá lugar no recinto feiral de Mesón do Vento, na parroquia de Ardemil, e que organiza o Concello de Ordes coa colaboración da Asociación Feira de Cans Amigos de Ardemil.

Como vén sendo habitual cada ano e dada a consolidación deste evento que ten aos cans como protagonistas en Ordes, chegarán ata o recinto xaurías de todo o territorio nacional, sobre todo da zona norte, como León ou o País Vasco.

En canto ao programa festivo, o sábado día 30 de xullo celebrarase o VII Campionato de Rastro na modalidade de xabarín, así como a final do Campionato de caza de perdiz con can.

O día grande será o domingo 31 no que se celebrará a Feira de Cans de Caza con exposición de camadas no recinto feiral. Ademais tamén haberá unha exhibición de cans de mostra da Campiona de España de San Huberto, Ana Isabel Arbiol ás 11 horas. Entregaranse grandes premios aos mellores cans e aos gañadores dos campionatos do sábado.

Ademais, tamén na xornada do domingo, os establecementos hosteleiros da zona ofrecerán una degustación gratuíta de caza, así como o recinto contará con stands de venta e exhibición de productos relacionados coa caza.

Para os que queiran participar, as inscricións e reservas de gaiolas todavía poden facerse no teléfono 689550728.

Dende o Concello de Ordes esperan, que como cada ano, sexan milleiros os veciños e veciñas, así como visitantes do municipio os que participen nesta feira que está recoñecida a nivel nacional, ao contar ano tras ano cos mellores cans e unha gran afluencia de visitantes.

2011-07-19T15:41:00.002+02:00

O Concello de Ordes celebra este xoves a derradeira das charlas enmarcada dentro do programa FARO de prevención do alcoholismo

Ordes, 19 de xullo de 2011: O Concello de Ordes ten previsto celebrar o vindeiro xoves 21 de xullo a derradeira das charlas enmarcadas dentro do programa FARO de prevención do alcohol que leva a cabo o Concello e que está financiada pola Deputación da Coruña.

Nesta ocasión a charla tratará sobre os contidos da Lei de prevención do consumo de bebidas alcohólicas en menores de idade. Charla que impartirá José Ignacio Vázquez Rodríguez, psicólogo experto en drogodependencias, e que se celebrará ás 19:30 horas na Casa da Cultura.

Estas charlas promovidas polo Concello de Ordes a través do programa FARO están dirixidas á poboación en xeral, e especialmente, a colectivos afectados ou en risco de estalo, familias e profesionais que traballan no ámbito desta problemática. Dende o Concello animan aos veciños e veciñas a que participen nesta actividade.

Os interesados en recibir máis información poden facelo no departamento de Servizos Sociais do Concello de Ordes ou chamando ao 981680002.

2011-06-09T13:21:00.000+02:00

Ordes acollerá a celebración dun curso de manipulador de alimentos o vindeiro 30 de xuño

Ordes, 9 de xuño de 2011: Ordes acollerá o vindeiro día 30 de xuño a celebración dun curso de manipulador de alimentos. O curso desenvolverase en horario de 16 a 19 horas nunha das aulas formativas do Punto de Encontro, situado nos baixos da Alameda.

Todos aqueles que estean interesados en participar deberán realizar a inscrición na Axencia de Emprego e Desenvolvemento Local, situada no 2º andar da Casa do Concello ou chamando aos teléfonos 981680002 /981680157, onde tamén recibirán máis información. O prazo para inscribirse estará aberto ata o día 29 de xuño.

O curso consistirá nunha charla informativa de 3 horas presenciais nas que se tratarán aspectos prácticos sobre a seguridade alimentaria, a manipulación de alimentos e as normas mínimas a cumprir na industria alimentaria. Presenta un examen final tipo test de aproveitamento do curso.

Trátase dun curso obrigatorio para todas aquelas persoas que traballen no sector da industria alimentaria: panadeiros, camareiros, cociñeiros, dependentes de conxelados, charcuterías, persoal de supermercados, repartidores, traballadores de queixerías, persoal de guarderías, comedores de colexios, persoal de residencia de anciáns, e outros.

O prezo do curso é de 25 euros.

2011-03-18T12:55:00.002+01:00

O CONCELLO DE ORDES CONMEMORARÁ O DÍA MUNDIAL DA AUGA CUNHA SERIE DE ACTIVIDADES DIRIXIDAS A OS ESCOLARES

Ordes, 18 de marzo de 2011: O Concello de Ordes, a través da concellería de Medio Ambiente, está a organizar varias propostas para celebrar o Día Mundial da Auga, o vindeiro martes 22 de marzo.

Este ano este departamento decidiu traballar nunha campaña de aforro de auga elaborando un "Calendario de Aforro" que pretende sensibilizar á comunidade escolar ó tempo que se implica ós pais nos seus fogares, sobre a riqueza natural e cultural do auga e da necesidade da súa conservación. O calendario consiste nuha plantilla que recolle unha serie de hábitos negativos e positivos con respecto ao uso do auga .

A idea é facilitarlle tantos calendarios como soliciten os centros de ensino da vila en función d@s alumn@s que queiran participar para que, unha vez nas súas casas, impliquen aos seus pais e sinalen durante unha semana, ao cabo do día, qué tipo de boas e malas prácticas sinaladas na plantilla levaron a cabo nos seus fogares. Unha vez rematada a semana e entregadas cumplimentadas as plantillas, poderase valorar a puntuación obtida, resultado de sumar os hábitos positivos e restar os negativos, e así comprobar o nivel de concienciación e sensibilización que existe respecto á conservación e uso racional deste recurso.

Os centros participantes recibirán un CD do videoxogo "Os Sostibles, a aventura da auga" , facilitado por Augas de Galicia, que dun xeito educativo e interactivo fomenta o respecto pola natureza e o medio ambiente.

Outra das actividades que se ten previsto para este día é a visita de 38 alumn@s e 4 profesores do CEIP Cardenal Quiroga de Santiago de Compostela que percorrerán parte do Roteiro do Río Mercurín acompañad@s do persoal deste departamento.

Segundo palabras do concelleiro de Medio Ambiente, Jesús Pedreira, “con esta campaña pretendemos invitar á reflexión sobre o consumo que da auga facemos, así como de insistir nas medidas de aforro co fin de conseguir realizar un uso responsable dun ben escaso como é a auga”. Asimesmo, o edil insistiu en que con pequenos esforzos pódense acadar grandes resultados.

2011-02-23T15:52:00.002+01:00

A BIBLIOTECA MUNICIPAL DE ORES ACOLLERÁ O VINDEIRO VENRES UNHA NOVA CITA DAS 'TARDES DE CONTOS E LENDAS'

Ordes, 23 de febreiro de 2011: A Biblioteca Municipal do Concello de Ordes acollerá unha nova sesión das “Tardes de Contos e Lendas”. Unha iniciativa que terá lugar o vindeiro venres 25 de febreiro a partir das 18:30 horas nas instalacións da biblioteca municipal, ubicada nos baixos da Alameda ordense. Un contacontos será o encargado de entreter aos nenos e nenas do municipio que participen nesta iniciativa, na que disfrutarán do conto “Entroido no zoolóxico”.

Con esta nova sesión, continúase co programa “Tardes de Contos e Lendas” dirixido a nenos e nenas de entre 3 e 8 anos, e que unha vez ao mes, achega aos máis pequenos do municipio ao mundo dos contos nas instalacións da biblioteca municipal, contribuíndo así ao fomento da lectura entre os máis pequenos.

A Biblioteca Municipal do Concello de Ordes, segue a ser un referente en toda a comarca, contando na actualidade con máis de 1.300 socios activos e aumentando o número de usuarios e o abano de idades dos mesmos, e sendo ademais pioneira en canto a horario, instalacións e fondos bibliográficos. O horario de apertura da biblioteca é de luns a venres de 8:30 a 14:30 e de 15:30 a 20 horas, e os sábados de 10 a 14 horas.

2011-02-23T15:47:00.002+01:00

CLAUSURADOS OS TALLERES DE SAÚDE NOS QUE PARTICIPARON MÁIS DE 100 ALUMNOS DO INSTITUTO MARUXA MALLO

Ordes, 23 de febreiro de 2011: O Concello de Ordes, deu onte por finalizados os talleres de saúde dirixidos á mocidade do municipio, que realizou en colaboración co Consello da Xuventude de Galicia. Uns talleres, nos que participaron máis de 100 alumnos do IES Maruxa Mallo e que se celebraron durante todo o mes de febreiro nas instalacións deste centro educativo.

Nesta ocasión tratouse de talleres de educación afectivo sexual cos que se intentou sensibilizar ós mozos e mozas na necesidade de adoptar conductas promotoras de saúde a nivel individual e colectivo, facilitar o análise crítico dos aspectos sociais e culturais relacionados coa saúde e os comportamentos saudables, aportar información e orientación sobre recursos en saúde e servizos de atención dirixidos á mocidade, e previr e reducir riscos aportando información sobre as medidas de prevención axeitadas.

O edil de Sanidade, Jesús Pedreira, foi o encargado de clausurar esta iniciativa no último dos talleres celebrado onte no centro educativo ordense, onde explicou aos mozos e mozas participantes a importancia de adoptar conductas saudables e responsables.

2011-02-08T16:28:00.000+01:00

Mª Carmen Martínez, doctora en Biología y científica titular de

A MANCOMUNIDADE DE ORDES PORÁ EN MARCHA MEDIDAS PARA FOMENTAR A CREACIÓN DE EMPREGO NA COMARCA

7 de febreiro de 2011.- A adopción de medidas para fomentar e reforzar a creación de emprego na comarca de Ordes centrou a sesión plenaria de febreiro da Mancomunidade de Municipios da Comarca de Ordes, celebrada esta mañá no salón de plenos do Concello de Frades. Así, o pleno aprobou solicitar á Consellería de Traballo e Benestar da Xunta de Galicia a creación dunha oficina de fomento do cooperativismo e a contratación dun técnico de emprego que elabore itinerarios personalizados de inserción profesional.

Así, o pleno da Mancomunidade de Ordes acordou solicitar unha axuda para a creación e mantemento dunha oficina de fomento cooperativo, cuxo obxectivo será “desenvolver accións promocionais e de fomento do cooperativismo na comarca ordense, asesorando os proxectos, elaborando plans empresariais e realizando accións formativas cara os veciños”, explica o presidente da Mancomunidade de Ordes, Miguel Prado Patiño. Unha oficina á que xa se adheriron inicialmente todos os concellos da comarca ordense, salvo Trazo e Tordoia que pediron esta axuda a nivel municipal e agardarán á resolución da Xunta para sumarse ao proxecto.

Así mesmo, a Mancomunidade de Ordes tamén solicitou unha subvención da Consellería de Traballo e Benestar para a realización de actividades de información, orientación e busca de emprego. O obxectivo é dispoñer dun técnico de emprego que se encargue de realizar accións de información, orientación e busca de emprego articuladas en itinerarios personalizados de inserción profesional e dirixidas a mellorar as posibilidades de empregabilidade dos veciños e veciñas da comarca que se atopan no paro.

Toponimia

O pleno da Mancomunidade tamén aprobou solicitar unha tercera axuda da Xunta para a subvención dos programas de cooperación que se están a levar a cabo na comarca ordense. Así, solicitáronse fondos para manter os cursos de autonomía persoal para discapacitados, o curso de apoio ao coidador de enfermos e para contratar a un psicólogo de apoio para o Programa de Apoio á Persoa.

Ademais da solicitude para a contratación dun administrativo para a Mancomunidade, o pleno tamén acordou solicitar unha nova acción: a posta en marcha dun inventario de toda a microtoponimia existente nos sete municipios que compoñen a comarca ordense. O pleno da Mancomunidade de Municipios da Comarca de Ordes de maio de 2010 aprobara a sinatura dun convenio de colaboración coa Sociedade para o Desenvolvemento Comarcal de Galicia (a través do SITGA) para a realización deste proxecto. Daquela, o pleno comprometérase a poñer a un técnico a disposición do Sistema de Información Territorial de Galicia (SITGA) para coordinar a realización dos traballos de campo nos distintos municipios da comarca ordense. Un técnico (enxeñeiro de Montes) que será financiado coa axuda da Consellería de Traballo e Benestar.

Prado Patiño explica que “con este proxecto buscamos un dobre obxectivo: axudar á recuperación e conservación do patrimonio toponímico dos nosos municipios e contribuír á mellora e actuación das distintas bases cartográficas existentes”. O SITGA facilitará tanto os medios técnicos como o material fotográfico e cartográfico para a localización dos topónimos, ademais de supervisar os traballos de campo, xestionar os datos obtidos e dixitalizalos para poñelos á disposición da sociedade.

Gala do Deporte e Obradoiros Culturais

Finalmente, o pleno celebrado esta mañá tamén fixou as datas da IV Gala do Deporte e da V Mostra de Obradoiros Culturais da Comarca de Ordes. Así, a cuarta edición da Gala do Deporte da Mancomunidade terá lugar o vindeiro 8 de abril en Ordes, e nela premiarase aos 35 deportistas ou entidades deportivas máis destacadas durante o 2010 nos municipios de Cerceda, Frades, Mesía, Ordes, Oroso, Tordoia e Trazo. Por último, a quinta Mostra de Obradoiros Culturais da Comarca de Ordes terá lugar o 25 de abril no centro cultural Fernando Casas e Novoa de Sigüeiro (Oroso).

A esta sesión ordinaria do pleno da Mancomunidade de Municipios da Comarca de Ordes asistiron asistiron os alcaldes Miguel Prado Patiño (Frades), Mariano Iglesias Castro (Mesía), Manuel Mirás Franqueira (Oroso), Xosé Dafonte Varela (Trazo) e Antonio Pereiro Liñares (Tordoia), así como o vicepresidente da Mancomunidade, Manuel Astray Mariño. O alcalde de Cerceda, José García Liñares (Cerceda),excusou a súa presenza.

2011-02-07T17:32:00.000+01:00

Mª Carmen Martínez, doctora en Biología y científica titular de

A MANCOMUNIDADE DE MUNICIPIOS DE ORDES PORÁ EN MARCHA MEDIDAS PARA FOMENTAR A CREACIÓN DE EMPREGO

Toponimia

Gala do Deporte e Obradoiros Culturais

2011-02-03T14:59:00.000+01:00

ABERTO O PRAZO DE INSCRICIÓN PARA PARTICIPAR NO CURSO DE PREVENCIÓN DE RISCOS LABORAIS NO SECTOR AGRARIO

Ordes, 3 de febreiro de 2011: O Concello de Ordes organiza, en colaboración con Unións Agrarias UPA, un curso gratuíto de prevención de riscos laborais no sector agrario. O curso constará de 30 horas e está previsto que se celebre a finais deste mes de febreiro ou a principios de marzo.

Todos aqueles que estean interesados en participar deberán realizar a súa inscrición no departamento de Medio Ambiente, Medio Rural e Sanidade do Concello de Ordes ou chamando por teléfono ao 981680002. Só se ofertarán 15 prazas e como requisito indispensable, os participantes deben estar dados de alta no Réxime especial agrario.

A metodoloxía que se empregará será eminentemente práctica, priorizando as actividades donde se demostre a adquisición dos contidos. Ademais, axudará a realizar a correspondencia no mundo laboral e encontrar a utilidade ó aprendizaxe.

Neste curso promoveranse actividades que emularán situacións frecuentes que se presentan no posto de traballo. Esto aumentará a capacidade de resposta dos traballadores ós continuos problemas cos que se encontran na súa realización diaria.

Os obxectivos do curso son, entre outros, contribuir a mellorar as condicións de seguridade e hixiene dos traballadores do sector; mellorar a calidade dos produtos e a súa seguridade alimentaria, mellorar a especialización ou diversificación, a competitividade e modernización do tecido produtivo; fomentar o recoñecemento das competencias profesionais adquiridas a través da experiencia laboral ou das vías non formais de formación; e fomentar a aprendizaxe ó longo da vida e favorecer a cohesión social, especialmente daqueles colectivos que carecen dunha cualificación recoñecida.

Segundo palabras do concelleiro de Medio Rural, Jesús Pedreira, "este curso ten como obxectivo específico que os asistentes poidan adquirir os coñecementos necesarios sobre as relacións laborais e sobre os riscos laborais para diminuir a siniestralidade no sector agrario"

2011-01-04T21:41:00.000+01:00

CURSO SOBRE CREACIÓN DE EMPRESAS PARA DESEMPREGADOS DE ORDES

Ordes, 4 de xaneiro de 2011: O Concello de Ordes ten aberto o prazo de inscrición para participar nun curso sobre creación de empresas dirixido adesempregados que está promovido pola Rede Xiana da Deputación e queconta coa colaboración do Concello.
Un dos obxectivos deste curso é axudar ás persoas beneficiarias participantesa transformar as súas ideas de empresa en proxectos reais, dándolles oscoñecementos necesarios, así como orientación no proceso de elaboracióndo plan de empresa, á vez de fomentar iniciativas que desenvolvan novasactividades que respondan ás necesidades locais de prestación de servizos.
Os destinatarios deste curso, de carácter semipresencial e que contacunha duración de 50 horas, son os demandantes de emprego coa tarxetaactualizada, maiores de 18 anos e empadronados no Concello de Ordes.
O prazo para inscribirse no curso permanecerá aberto ata o 23 de xaneiro,debendo realizarse a inscrición na Axencia de Emprego e DesenvolvementoLocal do Concello de Ordes, ubicada no 2º andar da Casa do Concello, lugaronde tamén se poderá recibir máis información ao respecto, ao igual que naweb http://www.redexiana.org/.
Esta actividade súmase á gran cantidade de iniciativas dirixidas adesempregados que durante o pasado ano 2010 levou a cabo o Concellode Ordes. Unhas iniciativas baseadas primordialmente na formación e quetiveron como obxectivo, tal e como explicou o alcalde, Manuel Regos, “dar aosdesempregados unha ferramenta máis para facilitar a súa incorporación ao
mercado laboral”.
Nestes cursos, entre os que se encontraron un de atención sociosanitariaa persoas no domicilio, outro de atención a enfermos de alzheimer, un deatención a dependentes, outro de cooperativismo, un sobre instalaciónstérmicas ou outro de socorrista acuático, participaron máis dun cento deordenses, ao que se sumou ademais o obradoiro de emprego que formou a26 desempregados nas especialidades de xardinería, albanelería e carpinteríadurante un ano, e que se clausurou o pasado mes de setembro.

2010-12-23T15:32:00.002+01:00

A IGREXA DE SANTA MARÍA DE ORDES ALBERGARÁ O TRADICIONAL CERTAME DE CORAIS O VINDEIRO 2 DE XANEIRO

Ordes, XX de decembro de 2010: O municipio ordense segue a celebrar as actividades enmarcadas na programación de Nadal, e será o próximo día 2 de xaneiro, no que o protagonismo recaerá na música. Un ano máis Ordes celebrará o seu tradicional Certame de Corais con motivo do Nadal, un certame organizado pola Coral Polifónica de Santa Cruz de Montaos en colaboración co Concello.

O concerto terá lugar o domingo día 2 de xaneiro na Igrexa Parroquial de Santa María de Ordes a partir das 20:30 horas. As agrupacións participantes serán a coral Aires de Carral, a Coral de Trazo, a Coral Hermano Gómez de Santiago, o Grupo de Música Tradicional de Ordes, e a anfitriona, a Coral Polifónica de Santa Cruz de Montaos.
Dende o Concello animan a todos os veciños e veciñas do municipio, así como a visitantes a que acudan a este certame no que as panxoliñas e música típica desta época do ano, serán as protagonistas.

2010-11-20T21:48:00.000+01:00

Dende Radio Ordes queremos darlle as grazas a tódolos veciños que fan posible esta radio estando día a día a carón dos seus transistores. Grazas tamén o noso equipo e goberno por traballar connosco na procura dun servicio útil e de calidade. A través da súa páxina páxina web Radio Ordes xa non ten fronteiras. Conseguimos mellorar tanto nos servizos que presta coma no contacto directo que mantén cos seus oíntes. Deste xeito aspiramos a ser un referente xa non só na comarca, senón para todos eses veciños que un día tiveron que partir en busca dun mellor futuro cara outras terras. Agardamos que coa nosa labor e sexamos agora nóas quenes lle acheguemos un anaco da súa terra, contándolles o día a día de Ordes e dos concellos veciños.

2010-11-20T21:47:00.082+01:00

Programación de Radio Ordes

Mañanciñas de Radio Ordes. Magazine de actualidade do concello e da comarca. De luns a venres de 9 a 12h.

Informativo Radio Ordes. De luns a venres ás 14:30 e ás 22:30h.

Son do chafarís. Todo sobre a cultura galega. Venres de 20 a 22h. Sábados de 12 a 14h (Rep).

Plástico elástico. Programa de música underground feita en Galicia. Repaso dos concertos da semana nas principais salas e sorteo de entradas. Mércores de 23:00 a 0.00h. Repetición os xoves á mesma hora.

Bucle. Espazo que ofrece toda a música de vangarda de libre descarga na rede. Sábado de 18 a 19h. Domingo de 22 a 23h (Rep)..

Frecuencia de Baile. Programa de música e cultura electrónica. Sábado de 19 a 21h.Venres de 1 a 3:00h (Rep).

Música sen pausa.Bloque musical cos principais éxitos pop e rock do panorama nacional e internacional.

En clave galega. Kastomä, Dios ke te crew, O Chícharo Psicótico, Capitán Furilo, Leite de nai, Som do galpón, Fanny e Alessander, Ataque escampe., Machina... toda a música producida no país. Sábado de 14 a14:30h.

Ordes dance. As mellores composicións electrónicas que enchen as principais pistas de baile de todo o mundo. Sábado de 3 a 8h. Domingos de 23:00 a 8h.
Plenos. O último martes de cada mes Radio Ordes retransmite en directo os plenos municipais dende a Casa do Concello.
Charlas e debates. Charlas sobre diversos temas organizadas polas distintas concellerías. Debates organizados dende Radio Ordes onde se aborda a actualidade do concello.
Entre lusco e fusco . Espazo no que cada sábado Miguel Lueiro realiza un percorrido polas rutas de diversos sons. Camiños que van dende o indie á música electrónica, facendo escala nos puntos intermedios. Sábados de 19 a 21 h.

Tócalle a palleta. Programa musical que ofrece unha selección actual de temas folk compostos e interpretados, na súa maioría, por artistas e grupos galegos. Sábados de 14 a 16 h.
Funkadisco . Visión persoal de Dani Veiga a modo de session de unha hora de duración onde nos descubrirá os últimos éxitos e grandes temas do house. Sábados de 23 a 00 h.

Territorio latino. Emi Milico acércanos os últimos éxitos da música latina, así como as principais orquestas do país. Venres de 23 a 00 h.

Pista de baile. Tonie Spagne faiche bailar todas as madrugadas do sábado cos principais dj da escena internacional.

O campo da festa. Cada semana os oíntes de Radio Ordes poden disfrutar dunha gran verbena a través da sús emisora. Sábados de 11 a 12 horas. Repítese os domingos á mesma hora.

2010-11-08T13:46:00.003+01:00

XORNADAS FORMATIVAS PARA RESIDENTES ENMARCADAS NO PROGRAMA EDUCATIVO PARA A SOSTENIBILIDADE VINCULADO O PXOM

Ordes, 8 de novembro de 2010: O Concello de Ordes organiza dende a súa Concellería de Medio Ambiente, en colaboración coa Concellería de Obras e Urbanismo e co financiamento da Consellería de Medio Ambiente, Territorio e Infraestruturas, a través da Dirección Xeral de Sostibilidade e Paisaxe, unha serie de xornadas de educación para a sostibilidade.

Estas actividades, que comezan o martes día 9 de novembro na Casa Rectoral da parroquia de Beán ás 10 horas e continúan ás 16 horas no recinto feiral do Mesón do Vento, están enmarcadas no programa de educación para a sostibilidade vinculado ao PXOM. As xornadas formativas continuarán ao longo do mes de novembro en Ordes: o 10 de novembro, ás 10 horas no Centro Social de Poulo e ás 16 horas na escola pública de Parada; o 11 de novembro, ás 10 horas no Centro Comarcal de Ordes e ás 16 horas na Escola Pública de Santa Cruz de Montaos.
Os departamentos de Medio ambiente e Urbanismo do Concello de Ordes tamén celebrarán unha xornada de recollida de propostas para o PXOM na casa consistorial de Ordes o vindeiro 12 de novembro durante todo o día. Con esta iniciativa outórgase un novo medio de expresión aos veciños, facilitando a entrega das súas propostas para ser consideradas no plan de ordenación.O sábado 13 de novembro, ás 10 horas, realizaranse itinerarios guiados para mostrar os distintos tipos de uso do solo como o rústico, urbano ou de especial protección, dentro do concello. Ademais, o 15 de novembro, ás 17 horas, terá lugar unha mesa redonda no Centro Comarcal de Ordes, co fin de resolver dúbidas que quedaron pendentes nas anteriores xornadas formativas. Segundo palabras do concelleiro de Medio Ambiente, Jesús Pedreira, “o programa contempla a posta en marcha de foros de debate para fomentar a participación dos asistentes, animando á poboación a xerar distintas propostas que se terán en conta á hora da revisión do planeamento, beneficiando así tanto ás persoas que os leven a cabo como ao Concello de Ordes. As presentes xornadas farán fincapé en determinados puntos como o medio natural, a xestión do territorio, mobilidade sustentable, urbanismo e paisaxe, xestión integral da auga ou actividades que provoquen impacto ambiental no territorio”. Para máis información sobre as diferentes propostas chamar ao teléfono de contacto no Departamento de Medio Ambiente do Concello de Ordes 981 68 00 02.

2010-11-08T13:01:00.006+01:00

O Concello de Ordes, en colaboración coa Secretaría Xeral de Igualdade da Xunta de Galicia, pon en marcha novos mecanismos para consolidar o “Protocolo de actuación para a atención integral a vítimas de violencia de xénero”, elaborado no ano 2008 entre diferentes organismos.

Así, esta semana celebrábase unha reunión na Casa do Concello de Ordes, na que estiveron presentes o alcalde, Manuel Regos, o concelleiro de Servizos Sociais e Terceira Idade, José Manuel Tobío, e representantes de diferentes institucións implicadas no protocolo como corpos e forzas de seguridade, xulgados, centro de saúde, servizos sociais, o Centro de Información á Muller do Concello de Ordes e a Subdelegación do Goberno. Unha reunión na que se tratou o tema específico da atención ás mulleres inmigrantes vítimas de violencia de xénero e a trata de persoas con fins de explotación sexual, así como se acordou a creación dunha comisión para a violencia de xénero. Esta comisión, que se reunirá de maneira trismestral, constará ademais de diferentes grupos de traballo que estarán compostos por representantes dos diferentes organismos dependendo da temática a tratar en cada momento. Por outra banda, e como complemento e reforzo a esta actividade e ao protocolo, hoxe mesmo celebrouse no Centro Comarcal de Ordes unha xornada formativa que estivo dirixida ao personal das institucións implicadas, co fin de que coñeceran todas as novidades e información acerca desta problemática, centrándose sobre todo, nas mulleres inmigrantes vítimas de violencia de xénero e a trata de persoas con fins de explotación sexual.

Elaboración de dípticos

Outra das actuacións que completarán este conxunto de iniciativas, será a elaboración de dípticos, dirixidos especialmente a mulleres inmigrantes vítimas de violencia de xénero. Uns dípticos que se editarán en varios idiomas, castelán, inglés, francés e árabe, e nos que se recollerán diferentes cuestións como o que é a violencia de xénero, tipos de maltrato, a onde se pode acudir no caso de ser unha vítima, dereitos e axudas das que se dispón como vítima e outras cuestións de especial interese para estas mulleres.

Con estas iniciativas o Concello de Ordes fai unha clara aposta para loitar contra a violencia de xénero, intentando facer partícipes a todos os organismos implicados. Así, tal e como explicou o edil de Servizos Sociais e Terceira Idade do Concello de Ordes, José Manuel Tobío, “esperamos que o esforzo compartido dos organismos públicos na loita contra a violencia de xénero e a atención ás vítimas contribúa, na medida do posible, a diminuir esta lacra social”.

2010-10-27T22:49:00.002+02:00

2010-10-27T21:39:00.031+02:00

A radio como elemento terapéutico e integrador.

A radio como medio de expresión para aumentar a autoestima.

A radio como ferramenta para a eliminación de obstáculos no desenvolvemento persoal.

Con estas premisas nace un programa realizado por voluntarios e usuarios da asociación Andaina pro saúde mental. Con sede no concello veciño de Sigüeiro dende esta asociación perséguese mellorar a asistencia e calidade de vida das persoas que padecen trastornos mentais, así como as de familiares e amigos, a súa recuperación e integración social e laboral, ademais de defender os seus intereses e dereitos. En cada programa fálannos non só das súas problemáticas, situacións e inquedanzas, senón tamén das novas e propostas máis interesantes que teñen o terán lugar na comarca de Ordes.
Escoita Andaina todos os mércores de 19.30 a 20 horas.

Decargar programa (guardar enlace como) : Nº6, Nº7, Nº9

2010-10-04T12:05:00.001+02:00

A MANCOMUNIDADE DE ORDES IMPULSA A AUTONOMÍA DAS PERSOAS CON DISCAPACIDADE DA COMARCA

1 de outubro de 2010.- A Mancomunidade de Municipios da Comarca de Ordes inicia hoxe un curso de autonomía persoal dirixido a persoas con discapacidade de todos os concellos da comarca: Cerceda, Frades, Mesía, Ordes, Oroso, Tordoia e Trazo. O curso, que se desenvolve por segundo ano consecutivo, vaise prolongar ata finais de maio de 2011, con cinco horas diarias de clase en horario matinal. Impartido por unha docente e unha auxiliar especializadas, atende a trece alumnos con distintos tipos de discapacidade co obxectivo de proporcionarlles técnicas para desenvolverse de forma independente no mercado laboral e no ámbito social.

O presidente da Mancomunidade, Miguel Prado Patiño, acudiu á clase de apertura nas instalacións da Casa da Cultura de Ordes. Prado recalca que “este curso da Oficina de Discapacidade da Mancomunidade é un dos máis importantes que estamos facendo por todo o que significa”, xa que “constitúe un grande impulso á autonomía das persoas con discapacidade e á vez serve como un apoio imprescindible para as súas familias”. Prado felicitou ás docentes polo seu traballo e saudou un por un a cada alumno. A todos emprazounos a “aproveitar as clases, aprender uns dos outros e superar todos xuntos cada día novas metas”, declarou.
O máximo responsable da entidade supramunicipal, que estivo acompañado no acto polo alcalde de Ordes, Manuel Regos, e pola concelleira de Discapacidade, Silvia Marín, salientou tamén a diversidade de actividades que se levan a cabo no curso. De feito, hai obradoiros de debuxo, lectoescritura e manualidades nos que o alumnado pode desenvolver a súa creatividade, outros de cociña e tarefas domésticas que ademais serven para afondar na socialización dos participantes, ou de baile e diversos exercicios para estimular as súas capacidades físicas e psicomotrices.
O curso, xestionado pola mancomunidade, está subvencionado pola consellería de Traballo e Benestar a través dun programa de cooperación. O servizo 065, dependente tamén deste departamento autonómico, colabora no transporte dos alumnos ás clases. De forma provisional, as sesións teñen lugar na Casa da Cultura de Ordes, ata que nas vindeiras semanas estean de novo dispoñibles as aulas de formación do Mesón do Vento que xa acolleron esta iniciativa a pasada tempada.

2010-08-26T11:12:00.007+02:00

ORDES SERÁ SEDE DUN SEMINARIO SOBRE XESTIÓN E PLANIFICACIÓN FORESTAL

Mª Carmen Martínez, doctora en Biología y científica titular de

01 de outubro de 2010.- A Asociación Forestal de Galicia organiza o vindeiro luns 4 de outubro en Ordes un seminario sobre planificación e xestión forestal sostible. Neste seminario, financiado con fondos FEADER a través dun convenio de colaboración asinado entre a Consellería do Medio Rural e a Asociación Forestal de Galicia, preténdese informar aos propietarios forestais interesados sobre os beneficios de contar cun instrumento de xestión das súas propiedades.
O seminario terá lugar o luns 4 de outubro no Salón de actos do Museo do Traxe Juanjo Liñares ás 20:00 horas e será impartido por Francisco Dans del Valle, enxeñeiro de Montes e director da Asociación Forestal de Galicia. Os propietarios forestais, particulares e comunidades de montes, así como expertos e estudantes da comarca interesados en asistir a este seminario, poderán inscribirse gratuitamente chamando previamente aos teléfonos 981 564 011, 981 569 140 e 618 752 214.

A planificación forestal é unha ferramenta de apoio aos propietarios e xestores de montes na toma de decisións necesarias para acadar un bo uso e conservación dos recursos forestais. Unha correcta planificación permitirá ao propietario forestal obter unha periodicidade nas rendas ao mesmo tempo que se maximizan os beneficios ambientais, sociais e culturais do monte. Esta planificación plásmase nun documento de xestión que pode ter distinta categoría segundo a superficie do monte, o estado forestal, etc.
Segundo palabras do Concelleiro de Medio Ambiente e Medio Rural, Jesús Pedreira: "Animamos a tódolos nosos veciños a que participen neste seminario e coñezan de primeira man as vantaxes e beneficios que supón contar cun plan de xestión. É importante que os propietarios particulares e xuntas reitoras teñan como prioridade entregar o monte aos seus “descendentes” en mellores condicións que cando eles o recibiron e neste seminario recibirán toda a información necesaria para cumprir con este obxectivo".

2010-08-06T13:41:00.002+02:00

A ESCOLA MUNICIPAL DE MÚSICA MANTERÁ ABERTO O PRAZO DE INSCRIPCIÓN ATA O 24 DE SETEMBRO

Ordes, 7 de setembro de 2010: A Escola Municipal de Música de Ordes dará comenzo a un novo curso académico o próximo día 4 de outubro. Como en anos anteriores, dende a escola continuaranse impartindo coñecementos de solfeo e clases de diferentes instrumentos como guitarra, trompeta, clarinete, saxofón, oboe, frauta, batería- percusión, trombón, tuba e bombardino.

Para todos aqueles que estean interesados en participar, a partir dos 7 anos de idade, o prazo de inscrición estará aberto do 13 ao 24 de setembro no Departamento de Educación, Mocidade e Discapacidade do Concello de Ordes en horario de 9 a 14 horas, lugar onde tamén se poderá solicitar información ou realizar calquera consulta.

As prazas ofertadas por cada instrumento serán limitadas, polo que o criterio a seguir será por rigorosa orde de inscrición, podendo matricularse cada participante nun só instrumento.

Dende o Concello de Ordes animan aos veciños e veciñas do municipio a que sexan partícipes deste novo curso da Escola Municipal de Música, enriquecendo así os seus coñecementos a través deste arte.

2010-08-06T13:29:00.004+02:00

'XOGANDO CON PROPIEDADE', DA A.C. LUCERNA, ACADA O PRIMEIRO PREMIO DO FESTIVAL DE CURTAMETRAXES LIBRES CINESTABLE

Ordes, 6 de agosto de 2010: Cun gran éxito tanto de participación como de público, pechábase onte pola noite o “I Festival de Curtametraxes Libres Cinestable” organizado pola Asociación Inestable (Asociación de usuarios de GNU/Linux de Ordes) e que contou coa colaboración do Concello de Ordes.

Tralas proxeccións das curtas que estaban fóra de concurso, deu comenzo o concurso de curtametraxes propiamente dito no que participaron 11 traballos que foron evaluados tanto polo xurado como polo público.

Así e tralas deliberacións, os premios outorgados foron os seguintes:

- Mellor curtametraxe: “Xogando con Propiedade” da Asociación Cultural Lucerna.

- Mellor curtametraxe en galego: “RC14” de Dolores Iglesias.

- Premio do público: “Ordes, cidade de vacacións” de Jesús Méndez.

Ademais tamén se premiou a participación do público, sorteando entre tódolos votantes do premio do público o libro “Viaje al poder de la mente” de Eduard Punset, adicado e autografiado polo propio Eduard, xentileza do autor e máis da editorial Destino.

Durante o acto a concelleira de Educación, Mocidade e Discapacidade, Silvia Marín, quixo felicitar aos membros da Asociación Inestable polo seu traballo ao levar a cabo esta iniciativa, así como polo éxito desta primeira edición do festival, a boa calidade de todos os traballos presentados ao concurso, ademais de mostrar a súa satisfacción, e a de todo o grupo de goberno, porque o Concello colaborase nesta iniciativa.

Pola súa banda os membros da Asociación Inestable tamén tiveron palabras de agradecemento tanto para o Concello de Ordes pola súa colaboracion, como para todos os participantes no concurso de curtas, así como para o máis dun cento de persoas que acudiron onte como público ao festival.

2010-08-01T19:40:00.002+02:00

O EQUIPO DE GOBERNO DE ORDES DESMINTE AS ACUSACIÓNS VERTIDAS POLO EDIL SOCIALISTA XESÚS PAMPÍN NO ÚLTIMO PLENO

Ordes, 30 de xullo de 2010: O goberno local do Concello de Ordes quixo desmentir as declaracións realizadas polo concelleiro Jesús Pampín, tanto no pleno como nalgún medio de comunicación, en relación ó ratio de endebedamento do Concello.

Así dende o grupo de goberno explicaron que, tal e como se reflexa nos orzamentos de 2010 o estado do ratio de endebedamento do Concello de Ordes a 1 de xaneiro deste ano era do 56,32%, e a 1 de xullo de 2010, data na que se elaborou o orzamento, esta ratio era do 55,09%, cifra moito menor ao máximo legal permitido para os concellos situado no 110%, ademais de estar Ordes moi por debaixo da media da débeda dos concellos a nivel nacional.
Por outra banda o goberno local tamén quixo desmentir outra acusación de Pampín, que acusou ao goberno de gastar máis en festas que en servizos sociais. Así, explicaron que aos servizos sociais non só se fai referencia coas actuacións desenvolvidas dende o departamento municipal, senón que tamén forman parte dos orzamentos para servizos sociais, a aportación do Concello á Mancomunidade para prestar este tipo de servizos, unha aportación que ascende a 90.000 euros. Aínda así a partida destinada a acción social propiamente do Concello ascende a máis de 720.000 euros, ao que hai que sumar outra serie de actuacións de carácter social e dependentes doutras concellerías como pode ser todo o relativo á discapacidade, eliminación de barreiras arquitectónicas, os programas de conciliación, ou outro tipo de axudas como as de transporte e material escolar, entre outras.
Desta maneira o orzamento para servizos sociais estaría preto do millón de euros, cifra importante, superior á doutros orzamentos anteriores e moi distinta ao argumentado polo edil socialista. O alcalde, Manuel Regos, preguntouse se Jesús Pampín estaría disposto a deixar á vila de Ordes sen festas, á vez que insistiu en que a partida destinada aos festexos se reduciu en máis da metade, e incluso se suprimiron algúns certames como o Festival da Canción.
En canto aos argumentos de Pampín sobre as prioridades inversoras do orzamento e a falta de medidas para paliar o desemprego, o goberno local quixo facer fincapé unha vez máis nas actuacións para o fomento do emprego que se están a levar a cabo dende o Concello. Unhas actuacións entre as que se encontran, neste momento, a realización de tres cursos dirixidos a desempregados, un de socorrista acuático, outro de atención sociosanitaria e outro sobre enerxía térmica, ao que se suma ademais o obradoiro de emprego e o traballo continuo da oficina de emprego do Concello para información e asesoramento acerca de subvencións e axudas, así como a colocación de desempregados. Ademais fíxose tamén fincapé en que a taxa de paro cífrase neste momento en Ordes no 11,83%, moi por debaixo do 20% do conxunto do estado, producíndose un descenso do paro no mes de xuño en Ordes de 14 persoas.
Aseguraron que todas as acusacións realizadas por Pampín son unha lectura sesgada e interesada do orzamento, que pode ser debida á súa falta de experiencia como concelleiro levando tan só uns meses no cargo, o que é tempo insuficiente para comprender a política municipal e o seu financiamento. Ademais lembraron tamén que os orzamentos anteriores se aprobaron estando el como secretario xeral do seu grupo no goberno, e non houbo ningunha obxección aos mesmos.
O alcalde, Manuel Regos, ante as declaracións do edil socialista Jesús Pampín, confirmou o cese do concelleiro das súas funcións como edil do grupo de goberno e do departamento de Servizos Sociais e Terceira Idade do Concello.

2010-07-28T14:16:00.002+02:00

O PLENO DE ORDES APROBA UNS PRESUPOSTOS "AUSTEROS" DE 16,7 MILLÓNS DE EUROS PARA O ANO 2010

Ordes, 27 de xullo de 2010: O pleno do Concello de Ordes aprobou esta mañá na sesión ordinaria do mes de xullo, o orzamento municipal de 2010. Trátase dun orzamento que ascende a 16.740.047,23 euros, inferior ao de 2009, e que tal e como explicou o alcalde, Manuel Regos, se caracteriza pola súa “austeridade”. Así o primeiro edil explicou que se trata dun orzamento no que se reduce dunha maneira importante o gasto, dando maior prioridade ás partidas máis necesarias como os Servizos Sociais e recortando noutras como os festexos, así como tendo tamén un capítulo importante para os investimentos, superior aos 8 millóns de euros.

Ante as críticas do BNG sobre a falta de medidas para paliar o desemprego neste orzamento, o primeiro edil quixo lembrar as políticas para o fomento e apoio ao emprego que está levando a cabo o goberno local ordense. Desta maneira enumerou diferentes iniciativas postas en marcha, como o obradoiro de emprego no que participan 26 persoas, un curso de socorrista acuático con 15 alumnos, outro curso de atención sociosanitaria con outras 15 alumnas, e outro de montaxe e mantemento de enerxía solar térmica. Todas estas iniciativas dirixidas a persoas desempregadas, “apostando pola formación e por cursos con saídas laborais na comarca e arredores, e fomentando así o emprego, non como queren facer ver dende a oposición”, explicou o alcalde.

Ademais Regos proseguiu en que a isto súmanse os programas de cooperación consistentes tamén na inserción laboral a través de convenios nos que están traballando 17 persoas, e quixo insistir en que un dato que mostra o traballo do goberno a este respecto é o descenso do paro no municipio no mes de xuño en 14 persoas, “situándose a taxa de paro en Ordes neste momento nun 11,83%, e non en porcentaxes superiores como indican dende a oposición”.

Regos tamén quixo desmentir que o seu goberno se esqueza dos Servizos Sociais, tal e como criticaban dende a oposición, e lembrou todos os servizos que se poñen a disposición dos veciños e veciñas de Ordes e para os que o orzamento do 2010 ten unha importante partida, como actividades para Terceira Idade, a axuda ás familias, ou o traballo que se está a realizar con diferentes colectivos dende a Oficina do Migrante, o Centro de Información á Muller, e a Oficina Integral da Discapacidade, “sendo Ordes un referente neste tipo de servizos”.

Por outra banda o alcalde, ante as acusacións que realizaron dende a oposición de despilfarro por parte do grupo de goberno explicou “creo que nunca se fixeron tantas obras necesarias para os veciños en Ordes, aí está o paseo fluvial, o tanatorio, a rolda leste, os baixos da Alameda que contarán co museo Xosé Xoxardo, sala de exposicións e un local de ensaio, ademais de importantes obras no saneamento e abastecemento de augas nas parroquias, eliminación de barreiras arquitectónicas, e demais melloras que costan cartos pero que son necesarias para mellorar o benestar dos nosos veciños e veciñas”.

Regos lamentou que os membros da oposición non apoiasen estes orzamentos acusando ao grupo de goberno de non pagar aos proveedores, sendo precisamente a aprobación dos mesmos a que permitirá facer eses pagos.

Finalmente os orzamentos foron aprobados cos votos a favor de oito edís do goberno, a abstención dun edil do PP e os votos en contra dos tres edís do BNG, tres edís do PP e o concelleiro Jesús Pampín.

Aprobación da RPT

O punto da aprobación inicial do orzamento incluía ademais a aprobación da relación de postos de traballo do Concello (RPT), cuestión pola que explicou o alcalde se tivo que chegar a un acordo cos sindicatos provocando o retraso na presentación dos orzamentos.

Esta RPT conta con 51 postos de traballo dos cales 9 serán de nova creación, correspondéndose o resto cos postos dos funcionarios e persoal laboral.

Nesta cuestión, que se votou conxuntamente no mesmo punto que os orzamentos, os grupos da oposición mostraron o seu acordo.

Por outra banda tamén se aprobaron dúas propostas, unha pola que se solicitará a retirada do proxecto de lei de Augas de Galicia e que se faga un novo dacordo coa Directiva Marco da Auga, e outra en relación ao decreto do Carbón.

2010-07-20T13:32:00.001+02:00

O CONCELLO DE ORDES REPARTE DE BALDE 1.000 BOLSAS ECOLÓXICAS

Ordes, 20 de xullo de 2010: O Concello de Ordes, nunha nova aposta pola preservación do medio ambiente, está a levar a cabo unha iniciativa cos veciños e veciñas do municipio. Nesta ocasión trátase do reparto de preto de 1.000 bolsas ecolóxicas de algodón, dentro dunha iniciativa, comenzada o pasado mes de xuño, e que organiza o Concello a través do programa “Ordes Recicla”, contando coa colaboración de SOGAMA.

O obxectivo que busca esta iniciativa é o de reducir o uso das bolsas de plástico entre os ordenses.

Todos aqueles que estean interesados en conseguir, de forma gratuíta, unha destas bolsas só teñen que poñerse en contacto co departamento de Medio Ambiente do Concello de Ordes chamando ao 981680002, ou ben pasando polas dependencias municipais en horario de mañá.

Desta maneira, unha vez máis, o goberno local do Concello de Ordes volve a mostrar o seu interese por garantir a tódolos veciños que poidan disfrutar dun entorno sostible no que todos temos un papel que desempeñar, porque ata o máis mínimo xesto ten un efecto global significativo.

2010-07-02T14:08:00.000+02:00

O CONCELLO LEVA A CABO UN PLAN PIONEIRO SOBRE CIDADANÍA E INTEGRACIÓN

Ordes, 2 de xullo de 2010: O Concello de Ordes está levando a cabo unha iniciativa pioneira que consiste na elaboración dun Plan Municipal de Cidadanía, Convivencia e Integración. Con este plan preténdese mellorar a integración e a convivencia de todas as persoas residentes no municipio, tanto na vida social e política como na económica e cultural.

Tal e como explicou o edil de Servizos Sociais e Terceira Idade, Jesús Pampín, “o obxectivo principal deste proxecto é analizar a realidade social da poboación ordense tendo en conta o seu país de procedencia, e establecer estratexias que melloren o desenvolvemento social nunha sociedade cada vez máis diversa”.

Así, ata o mes de setembro, contactarase con diversos organismos e entidades, tales como asociacións culturais, deportivas, empresariais e centros educativos do entorno, entre outros axentes, para solicitar a súa colaboración no proceso mediante entrevistas persoais.

Xa durante o mes de xuño realizouse unha enquisa entre a poboación para coñecer a percepción dos habitantes con respecto ao grao de integración e cohesión social existente no municipio, cuxos resultados serán presentados no terceiro cuatrimestre do ano.

Dende o Concello de Ordes convídase a todos os veciños e veciñas do municipio a colaborar e participar activamente na elaboración deste plan. Para que todas aquelas persoas que estean interesadas en participar poidan realizar as suxestións e recomendacións pertinentes, o Concello pon á súa disposición os teléfonos 981680002 e o 981680157 en horario de 9 a 14:30 horas. Tamén se poderá acudir persoalmente ás dependencias municipais para demandar máis información.

2010-06-28T16:07:00.010+02:00

Xosé Manuel Budiño, Cristina Pato, Xurxo Romaní, Leilía, Mercedes Peón, Berrogüetto, Lizgairo, Bonovo... Están todos e son o máximo expoñente do folk contemporáneo que se fai en Galiza. Pero non son os únicos porque en 'Tócalle a palleta' tamén poderás escoitar a eses intérpretes pioneiros no resurdir dos nosos sons aló pola década dos 70 xa. Falamos de nomes propios e con tanto peso como Milladoiro, Emilio Cao ou Fuxan os ventos. Si o que che vai é o tradicional entón debes sintonizar Radio Ordes tódolos sábados de 14 a 15 horas, ou ben acceder a radioordes.com. ¡Agardamos por tí!

2010-05-11T13:00:00.003+02:00

MEDIO CENTENAR DE RAPACES E RAPAZAS DISFRUTAN DA NOITE DO SÁBADO NA PRIMEIRA NOITE PSICOEDUCATIVA DO PROGRAMA FARO

Ordes, 11 de maio de 2010: O pasado sábado, día 8 de maio, o Concello de Ordes celebraba a primeira das Noites Psicoeducativas enmarcadas dentro do programa FARO de prevención de alcol e dirixidas a rapaces e rapazas de entre 12 e 17 anos. Unha actividade organizada pola Concellería de Servizos Sociais e Terceira Idade do Concello de Ordes.

Os participantes que se deron cita no polideportivo municipal, un total de medio centenar de adolescentes, puideron disfrutar de inchables, un obradoiro de elaboración de carteiras de cómic, outro de elaboración de cócteles sen alcol, ademais de xogos de mesa e videoxogos coas consolas Wii e PS3.

Coas noites psicoeducativas o Concello pretende mostrar aos mozos e mozas do municipio que existen alternativas de ocio en espazos libres de consumo de alcol. As actividades fomentan que se disfrute adecuadamente do tempo libre, mantendo relacións equilibradas coas outras persoas e aprendendo a resolver os conflitos e a mellorar a autoestima, tendo como eixo fundamental o rexeitamento do alcol.

O concelleiro e Servizos Sociais do Concello de Ordes, Jesús Pampín, mostrouse moi satisfeito polo bo resultado da actividade.

A próxima das citas para participar nesta iniciativa será o 22 de maio, e a seguinte o 5 de xuño. Para o día 22, os participantes poderán disfrutar dun rocódromo, tiro con arco e obradoiros de FIMO, de radio e de risoterapia.

Todos aqueles que estean interesados en participar poderán recibir máis información e facer as inscricións na Unidade Psicosocial do Concello de Ordes (Rúa Alfonso Senra, nº 108, Ordes; teléfonos: 981 680 002 ext. 214 e 215 / 627 983 619).

O horario de atención é de luns a venres de 8 a 15 horas e os luns de 16 a 21 horas.

2010-05-04T16:20:00.002+02:00

MANUEL REGOS, SILVIA MARÍN E XESÚS PEDREIRA AMOSANLLE A ESTUDANTES DE ORDES E CARRIL O ROTEIRO DO RÍO MERCURÍN

Ordes, 4 de maio de 2010: O alcalde de Ordes, Manuel Regos, recibía esta mañá na Casa do Concello a máis de medio centenar de alumnos e alumnas de 4º da ESO do IES Nº1 de Ordes e o IES “Miguel Ángel González Estévez” de Carril. Unha recepción que se enmarcou dentro dunha xornada de intercambio entre os dous centros escolares.

Regos, durante a recepción, entregou aos escolares visitantes un agasallo con información sobre o Concello, así como lles deu a benvida ao municipio e explicou “espero que vos guste, e que así poidades coñecer un municipio cunhas características diferentes ao voso que é costeiro, pero que ten outros encantos e bonitas paisaxes como poderedes comprobar a través do roteiro do río Mercurín”.

Trala recepción tanto alcalde como escolares e profesores, acompañados tamén polos concelleiros de Medio Ambiente, Jesús Pedreira, e de Educación, Silvia Marín, dirixíronse ata o campo da feira para iniciar o roteiro do río Mercurín. Unha ruta de 15 kilómetros aproximadamente que realizaron durante a xornada.

Tal e como explicaron dende a organización da actividade, os obxectivos desta iniciativa son que os alumnos convivan durante dous días, un en Ordes e outro en Vilagarcía, coñecendo mellor os seus respectivos municipios, ademais de facer unha ruta de sendeirismo.

2010-04-27T15:32:00.003+02:00

A MANCOMUNIDADE DE ORDES ENSINA HÁBITOS ALIMENTICIOS OS ALUMNOS DO CAMPOMAIOR NO OBRADOIRO 'COMENDO BEN'

26 de abril de 2010.- Máis de sesenta rapaces e rapazas do CEIP Campomaior (Ordes) participaron esta mañá nos obradoiros de alimentación saudable “Comendo ben”, organizados pola Mancomunidade de Municipios da Comarca de Ordes. Uns obradoiros nos que se busca “impulsar a alimentación como un valor fundamental na prevención de enfermidades, pois na última década se duplicaron os casos de obesidade e sobrepeso infantil e cada vez máis os nenos abandonan a dieta tradicional para substituíla por comida basura, bollería industrial e refrescos”, sinala Mónica González López, técnica de Prevención de Drogodependencias da Mancomunidade de Ordes.

Así, os rapaces do CEIP Campomaior recibiron hoxe dous cuaderniños. O primeiro deles foi para que puideran seguir as ensinanzas das dúas monitoras da Mancomunidade de Ordes, que fixeron fincapé na idea de que todos os alimentos son bos, mais non na mesma cantidade. Así, os propios rapaces foron quen identificaron os alimentos menos saudables, como as lambonadas, a comida rápida e os refrescos, “que ademais dan gases”, bromearon.

Neste sentido, as técnicas da Mancomunidade de Ordes falaron da influenza da publicidade e os anuncios no consumo deste tipo de alimentos. Pola contra, destacaron a importancia de beber moita auga e de comer alimentos como os cereais, as froitas e as verduras. De feito, os rapaces mesmo levaron unhas receitas saudables para facer na casa como: flan de sandía con dados de melón, bebidas de rosas e fresas, tarta de plátano con galletas ou canapé de queixo fresco con kiwi.

Mensaxe aos pais

As psicólogas do Servizo de Prevención de Drogodependencias e Apoio á Persoa da Mancomunidade de Ordes destacan que “a alimentación xoga un papel fundamental no benestar das persoas dende os primeiros anos da nosa vida”. Por iso, ademais de traballar hoxe cos rapaces, tamén lles enviaron aos seus pais un pequeno caderno con consellos para levar unha alimentación saudable.

Entre eses consellos, recoméndase tomar cada día dúas racións de leite e derivados lácteos, dúas racións de verduras, tres racións de froitas e catro racións de cereais. Como consello xeral, recoméndase beber moita máis auga e moderar o consumo de zucres, sal e alimentos precociñados. Así mesmo, o caderniño recolle as racións semanais precisas de alimentos coma os ovos, a carne, o peixe, as legumes, os froitos secos e das patacas, que en ningún caso sobrepasan as catro racións semanais.

2010-04-27T15:17:00.003+02:00

O CONCELLO DE ORDES CELEBRA UN ANO MÁIS A FESTA DO CHAMPIÑÓN CUNHA GRAN AFLUENCIA DE PÚBLICO

Ordes, 25 de abril de 2010: O municipio ordense segue a celebrar hoxe a súa feira multisectorial Expo Ordes 2010, que vive hoxe unha das xornadas máis importantes coa celebración da XXI Festa do Champiñón. Esta mañá visitaba o recinto feiral o Presidente da Deputación da Coruña, Salvador Fernández Moreda, que foi recibido primeiramente na Casa do Concello polo alcalde, Manuel Regos e o resto de membros da Corporación Municipal. Trala recepción no Concello as autoridades desprazáronse ata o recinto feiral onde visitaron cada un dos stands participantes.
Regos agradeceu ao presidente provincial a súa visita a esta festividade ordense que hoxe celebraba a XXI Festa do Champiñón, que volveu a repetir "esperamos que sexa declarada Festa de Interese Turístico de Galicia canto antes, para o que tal e como se acordou en pleno, o solicitaremos á Xunta". Pola súa banda o presidente provincial tamén agradeceu a invitación a esta festa por parte do consistorio ordense e mostrou o interese polos diferentes expositores participantes no evento. Unha festa que cada ano vai gañando tanto en número de expositores como en calidade e que nesta ocasión contou coa participación de 75 expositores que se puideron visitar nos 10.000 cadrados de exposición cos que conta o recinto, entre a zona da carpa e os exteriores.
Por outra banda, os establecementos hosteleiros do municipio están a celebrar tamén a degustación gratuíta de champiñón para a que o Concello repartiu arredor de 10 toneladas do producto, que nesta ocasión foi de orixe galego, tal e como explicou o alcalde, Manuel Regos. Veciños e visitantes están sendo partícipes desta XXI Festa do Champiñón que está achegando ao municipio a milleiros de persoas, estando os bares e as terrazas abarrotadas de xente. "Estamos moi satisfeitos co éxito que está a ter esta nova edición de Expo Ordes, e estamos seguros, de que xa se teñen superado as expectativas de visitantes que tiñamos previsto nun primeiro momento, xa que tanto na xornada de onte como a de hoxe foron milleiros as persoas que pasaron polo recinto", dixo o alcalde Manuel Regos.
Tamén conta cunha gran afluencia de público o concurso de salto de obstáculos nacional de cabalos que se está a celebrar na explanada anexa ao CEIP Campomaior, que achegou ao municipio a máis dun cento de participantes do máis alto nivel nacional. (Intentarei enviarvos algunha foto máis tarde do concurso de saltos).
O primeiro balance da feira, tal e como explicou o aclalde, Manuel Regos, é máis que positivo xa que se viron cumpridas todas as expectativas.

2010-04-06T17:56:00.002+02:00

O PLENO DA MANCOMUNIDADE AMOSA O SEU INTERÉS POR UN SISTEMA PIONEIRO NA RECICLAXE DE RESIDUOS SÓLIDOS URBÁNS

06 de abril de 2010.- O pleno da Mancomunidade de Municipios da Comarca de Ordes cambiou hoxe de escenario e trasladouse ata o salón de plenos do concello de Tordoia, iniciando así “unha rotación por todos os concellos da mancomunidade, para que todos os alcaldes afondemos no coñecemento dos distintos municipios que integran a comarca”, explicou o presidente da Mancomunidade, Miguel Prado Patiño. Unha sesión na que a Mancomunidade de Ordes tomou coñecemento de dúas propostas de colaboración, presentadas dende a Xunta de Galicia e a empresa Biclima.

Así, os alcaldes da comarca de Ordes interesáronse por un proxecto para a reciclaxe de Residuos Sólidos Urbáns (RSU) pioneiro en Europa e que permite a reciclaxe do 94% do lixo recollido. Técnicos da empresa Biclima explicaron que este sistema de plantas modulares estase a desenvolver con éxito en Canadá e Australia, pois supón cero emisións contaminantes, a planta produce a súa propia enerxía e mesmo produce enerxía que se pode enviar á rede. Ademais, non sería preciso realizar recollida selectiva dos residuos, xa que estes poderían chegar xuntos á planta e serían separados cun novo procedemento.

Segundo Biclima, esta novidosa proposta suporía un investimento cercano aos 2,5 millóns de euros, dos que a metade podería ser financiado con fondos da Unión Europea. Así mesmo, dende a empresa explicaron que suporía un aforro para o cidadán dun 50% da taxa do lixo e que o investimento podería recuperarse nun prazo non superior a dous anos. Recollendo o sentir dos alcaldes presentes, Miguel Prado sinalou que “se trata dunha proposta moi interesante” e apuntou a necesidade “de manter unha reunión de traballo máis en detalle nun futuro próximo”.

Toponimia

Por outra banda, o pleno da Mancomunidade de Ordes tamén tomou coñecemento dunha proposta do SITGA para recopilar toda a toponimia e microtoponimia dos sete municipios (Cerceda, Frades, Mesía, Ordes, Oroso, Tordoia e Trazo). A coordinadora deste proxecto no SITGA, Berta Román, explicou que na actualidade “temos recollidos 400.000 topónimos de 103 concellos galegos”, o que significa que está recopilado aproximadamente 1/3 do territorio de Galicia. Como idea xeral, apuntou que se recolle unha media de 40 topónimos por quilómetro cuadrado.

Miguel Prado explicou que os concellos que integran a Mancomunidade ordense “estamos interesados neste proxecto pois consideramos que é unha medida acertada e que pode ser moi útil para nós”. Para a realización do proxecto, cada concello da Mancomunidade tería que asinar un convenio de colaboración co SITGA no que non terían que aportar cantidade económica algunha, salvo poñer un técnico e un vehículo para o traballo de campo. Ademais, como o traballo de campo se fai directamente na parroquia falando cos veciños, o Concello encargaríase de facilitar aqueles informantes que puidesen aportar un maior coñecemento do lugar.

Con estes datos, o SITGA elaboraría un completo mapa toponímico de cada municipio, que sería exposto nos concellos para que toda a xente puidese aportar os seus datos. Finalmente, unha Comisión de Toponimia da Xunta encargaríase de determinar a forma escrita oficial dos topónimos, respetando máis a pronunciación da zona ca propia normativa.

A esta sesión do pleno da Mancomunidade de Municipios da Comarca de Ordes celebrado en Tordoia asistiron asistiron seis alcaldes da comarca de Ordes: José García Liñares (Cerceda), Miguel Prado Patiño (Frades), Mariano Iglesias Castro (Mesía), Manuel Mirás Franqueira (Oroso), Antonio Pereiro Liñares (Tordoia) e Xosé Dafonte Varela (Trazo); así como o vicepresidente da Mancomunidade e concelleiro de Ordes Manuel Astray Mariño.

2010-03-27T21:08:00.023+01:00

Os amantes da boa festa teñen o seu lugar en Radio Ordes grazas a Frecuencia de Baile. Decano dunha serie de programas que atenden a tódalas novidades da cultura electrónica, nel JAS entrevista, presenta e ábrelle os micrófonos tanto ós que chegada a noite ocupan as cabinas coma os que se quedan na pista de baile. Os éxitos máis actuais, DJ´s coñecidos por todos, e os templos da movida dentro e fora das fronteiras galegas son algunhas das paradas obrigadas cada semana.Pero JAS non está só nesta labor, xa que conta cos seus colaboradores habituais Oscar López e Paulichi

Sábados 21-23 horas
Sábados 01-03 horas (rep)

Descarga o programa (gardar enlace como) : Nº128, Nº129, Nº130

2010-03-22T18:20:00.008+01:00

2010-03-22T17:56:00.010+01:00

DECIMA XUNTANZA DE BANDAS DE MUSICA POPULARES

Xuntanza de bandas celebrada o día 1 de agosto do 2009 na Escola de Música de Ordes, nesta décima edición participaron as bandas de Rianxo, Ordes e Cedeira.
Adicada a memoría do antigo director da Banda de Ordes Higinio Cambeses.

2010-03-15T20:51:00.034+01:00

VIVA A BANDA é o novo punto de encontro para todos os aficionados ó son das bandas de música. A través deste programa farase un percorrido por todo o territorio galego, tan prolífico neste tipo de formacións musicais. A súa historia, os integrantes, ou os instrumentos que a conforman son algúns dos aspectos que se abordan neste novo espazo.

Domingos de 10 a 11:00h

Descarga o programa (gardar enlace como) : Banda de Ordes, Banda de Merza, Banda de Naron, Banda de Silleda.
Enlaces de interese:
Video da Décima Xuntanza de Bandas Populares
Federación Galega de Bandas de Música Populares

borrras

2010-03-15T20:39:00.007+01:00

2010-03-12T18:52:00.055+01:00

O campo da festa

O Campo da Festa é un programa adicado á música que soa nas festas e verbenas populares. Eses temas que a todos nos gusta bailar xa sexa na sesión vermouth o na nocturna das festas tradicionais, e sempre rodeados de amigos e parientes.
O Campo da festa está presentado por Enrique San Fiz, director da Red de Emisoras Municipais Galegas (Emuga). Escoitao en Radio Ordes todos os sábados ás 00 e ás 11 horas. Tamén os domingos ás 11 horas.

Descarga o programa: Nº8, Nº10, Nº11

2010-03-12T00:51:00.028+01:00

Plástico Elástico é un programa de radio especializado en música underground feita en Galicia e grabado nos estudios de Radio Ordes. Dirixido e presentado por César Varela cada mércores ás 23 horas ofrece as novidades discográficas máis destacadas. Nel tamén poderedes escoitar as entrevistas cos protagonistas e autores dos últimos lanzamentos, ademáis de sorteos e da axenda de concertos de cada semana. En Plástico Elástico ademáis de soar os grupos galegos tamén se lle presta atención as bandas de fóra que visitan a nosa terra.

Mércores de 23.00 a 0.00 h.
Xoves de 20.30 a 21.30 h.

Descarga o programa (gardar enlace como) : Nº66, Nº67, Nº68

2010-03-12T00:05:00.068+01:00

Cada sabado Miguel Lueiro traenos esta nova proposta musical para acompañarnos nas tardiñas, neses momentos nos cales non é ainda de noite nin luce de todo o día. Momentos nos que non é nin tarde nin cedo para case que nada. Neses momentos máxicos nos que o día torna noite, nos que a lúa comenza a ganarlle terreno ó seu contrapunto perfecto, o sol.

Os contidos musicais tamen caracterízanse polo seu eclecticismo., cabalgando sobre as liñas do pop, rock e mailo indie. As colaboracións cas que conta o programa son cambiantes e de diversa índole, aportándolle maior protagonismo ás entrevistas e conversas con grupos e compositores do panorama galego e tamén nacional.

Sábados de 19.00 a 21.00

Descarga o programa (gardar enlace como) : Nº52, Nº54, Nº55

2010-03-11T15:01:00.009+01:00

MÁIS DE CEN CABEZAS DE GANDO EXHIBIRANSE ESTE ANI NA 'XII FESTA DO LACÓN CON GRELOS' EN MESÓN DO VENTO

Ordes, 11 de marzo de 2010: A XII Festa do Lacón con Grelos que o Concello de Ordes celebra durante toda esta fin de semana, días 13 e 14 de marzo, convertirá a Mesón do Vento nun importante escaparate do gando galego, incluindo a exposición de diferentes razas en perigo de extinción. Serán máis de oito gandeiros os que participarán nesta cita que xa se ten convertido en todo un referente tanto comarcal como autonómico.

Entre o gando que se exporá haberá exemplares de cabalo galego, raza rubia galega, así como outras cabezas de diferentes razas en perigo de extinción como son a raza Limiana, a raza Cachena e a raza Vianesa.

Pero quizáis un dos maiores atractivos da exposición de gando o teñan as 12 parellas de bois que se darán cita nesta festa, algo que o concelleiro de Promoción Económica, Turismo, Mercados e Exposicións do Concello de Ordes, José Luis Gómez Candal, calificou como “extraordinario dada a dificultade de conseguir ese número de bois neste momento, algo que posiblemente non se vexa en ningunha outra feira”. En total espérase que poida haber expostas arredor de 70 cabezas de gando.

Nesta mostra de gando participarán diferentes gandeiros de toda a provincia como son Ganadería Eladio de Laracha, Ganadería Reboredo Pedreira de Culleredo, Ganadería Souto de Arteixo, Ganadería Mantiñán de Vizoño, Ganadería Jesús de Ardemil en Ordes, Ganadería Souto Silveira de Mercurín tamén en Ordes, a Asociación de Criadores de Rubia Gallega (ACRUGA), e a Asociación de Criadores de Bueyes Gallegos (ACRIBUGA) de Carral.

Ademais das exposicións de gando, que se poderán visitar tanto na xornada do sábado como do domingo, tamén haberá unha exposición de maquinaria agrícola durante toda a fin de semana, así como diferentes postos de artesanía e productos típicos.

Na xornada do domingo tocaralle o turno aos cabalos, cunha concentración cabalar que incluirá unha serie de probas en diferentes modalidades. Así haberá unha proba de estampa de Beleza Galega, outra de andadura federada galega de 2 e 4 tempos, unha carreira de trotóns, unha proba de trote libre, e por último outra de arrastre con gando vacún.

Desfile e concurso de disfraces

Como vén sendo habitual nesta celebración, tamén haberá un oco para os disfraces coa celebración dun desfile e concurso de comparsas no que se repartirán preto de 2.000 euros en premios. Terá lugar o sábado a partir das 17 horas e todos aqueles que se queiran apuntar poden chamar todavía ao 981680002 ou ao 981680157, ou ben anotarse no stand que o Concello de Ordes terá no recinto feiral ata as 16 horas.

Degustación gratuíta de lacón con grelos

Tal e como indica o seu nome a XII Festado Lacón con Grelos non podía pasar sen ter unha degustación gratuíta deste prato típico galego. Unha degustación que se poderá disfrutar nos diferentes establecementos da zona durante a xornada do domingo.

Precisamente será tamén o domingo, día grande da feira, cando teña lugar unha concentración moteira que achegará ata o recinto feiral un bo número de amantes do motociclismo.

Nesta mesma xornada celebrarase unha homenaxe a Ramiro Martínez García, presidente da Asociación de Veciños de Mesón do Vento.

Durante as dúas xornadas non faltará tampouco a música, con verbenas que estarán amenizadas por diferentes orquestras.

O Concello de Ordes anima a todos os veciños e veciñas do municipio, así como a visitantes a que participen nestas dúas xornadas de festa que terán a Mesón do Vento como protagonista.

PROGRAMA DE ACTOS:

SÁBADO 13 DE MARZO:

10:00 Horas: Apertura do recinto feiral con exposición de gando de razas autóctonas e exposición de maquinaria.

17:00 Horas: Desfile e concurso de comparsas e disfraces.

20:00 Horas: Verbena nocturna a cargo da orquestra femenina Estrellamar

DOMINGO 14 DE MARZO:

10:00 Horas:-Apertura do Recinto Feiral.

-Exposición de Gando e Maquinaria.

-Degustación gratuíta de lacón con grelos nos establecementos da zona

- Concentración Moteira

11:00 Horas: - Concurso de Estampa de Beleza Galega

12:00 Horas: - Proba de Andadura Federada Galega, 2 e 4 tempos.

14:00 Horas: - Homenaxe a Ramiro Martínez García, presidente da Asociación de Veciños de Mesón do Vento.

- Sesión Vermouth coa orquestra Fania

15:30 Horas: - Carreira de Trotóns

16:30 Horas: - Trote Libre

17:00 Horas: - Proba de Arrastre con gando vacún

20:00 Horas: - verbena a cargo da orquestra Fania

2010-03-02T18:45:00.023+01:00

Contextos pretende ser unha fiestra aberta a tódolos literatos e escritores da comarca e do país galego que queiran dar a coñecer a súa obra. Unha referencia para aqueles que gostan da boa escrita e disfrutan con historias das que eles mesmos poderían ser os protagonistas. Os micrófonos da emisora ábrense para que a poesía e o pequeño relato se difundan a través das ondas, nun medio que en moitas ocasións non lles presta a atención merecida.

"La vida, la vida tiene estas cosas..." Unha particular visión de dous novos veciños chegados de máis alá do Atlántico do que son eses pequenos anacos da realidade cotiá. Eses que conforman o que é mesma vida . Os textos de Ofelia caracterízanse polo significado e carga emocional que é capaz de destilar en cada un dos seus relatos, gracias a unha sensibilidade máis que especial.

2010-03-02T17:54:00.030+01:00

Efecto Dinamo é unha campaña radiofónica de 210 programas que se emiten ó longo de toda Europa. Radio Ordes únese a este proxecto de difusión mediambiental no que se falarán de cambio climático, alimentación e agricultura, fogares e consumo eléctrico sostibles, climatización, reciclaxe, reutilización e moitos outros temas. Efecto dinamo pretende, ademáis, ser unha plataforma de intercambio de boas prácticas entre os países que conforman a realidade europea, á que Ordes mira con optimismo.

Venres de 22 a 22:30 horas
Domingos de 16 a 16:30 horas (rep)

Descarga o programa (gardar enlace como) : Nº1, Nº2, Nº3, Nº4, Nº5, Nº6, Nº7, Nº8, Nº9, Nº10, Nº11, Nº12, Nº13, Nº14, Nº15, Nº16, Nº17, Nº18

2010-03-02T16:51:00.030+01:00

Sinfónicos é o novo espazo de Radio Ordes especialmente pensado para os máis melómanos. Schubert, Bach, Vivaldi, Mozart, Beethoven, ou Chopin son algúns dos protagonistas deste novo programa dunha hora de duración. Deste xeito Sinfónicos pretende achegar as pezas máis recoñecidas e salientables do repertorio musical dos grandes mestres da música clásica.

Os domingos de 23 a 00:00h

Descarga o programa (gardar enlace como) : Nº1, Nº2, Nº3, Nº4,, Nº5,, Nº6,

2010-02-10T15:17:00.004+01:00

TRES NOVOS TÍTULOS PECHAN O CICLO DE CINE MEDIOAMBIENTAL 'BUTACA VERDE'

Ordes, 10 de febreiro de 2010: O Concello de Ordes pecha este mes o ciclo de cine ambiental Butaca Verde ofrecendo os tres últimos títulos aos centros educativos do municipio para que os proxecten nas súas instalacións.

Os tres documentais, facilitados polo CEIDA, que pon a disposición dos centros escolares o Concello este mes son “La pesadilla de Darwin”, “Manual de uso para una nave espacial” e “Planeta Blanco”. O IES Nº1 é, polo momento, o único centro que solicitou estes documentais para proxectar aos seus alumnos.

Segundo explicou o concelleiro de Medio Ambiente do Concello de Ordes, Xesús Pedreira, “O programa de ciclo de cine ambiental que ofertamos dende a Concellería de Medio Ambiente pretende ser unha ferramenta pedagóxica de enorme eficacia para chegar fácilmente ao público, transmitir mensaxes de divulgación científica e ambiental e ofrecer unha oportunidade de reflexión sobre a corresponsabilidade de cada un de nós na adopción de conductas sostibles para a conservación do noso patrimonio natural”.

2010-02-01T15:58:00.000+01:00

Dende hai máis dunha década Radio Ordes ven sendo un referente comunicacional en todo o concello no que os veciños e habitantes teñen os micrófonos abertos para dar conta das súas inquedanzas e feitos. Na nosa ansia de crecemento a emisora inicia unha nova etapa na que pretende ampliar o seu ámbito de cobertura informativa e convertirse ademáis na radio dos habitantes de toda a comarca. A través da veracidade informativa, da información contrastada, do uso das novas tecnoloxías e o entretemento feito con contidos de máxima actualidade esperamos ver cumpridos os nosos obxetivos.

2010-01-12T21:53:00.002+01:00

ESCOITANOS ONDE, CANDO
E COMO QUEIRAS.